ئەمە بڵاوبكەوە
FaceBook  Twitter  

گەڵا جاف-گەرمیان

پاش ئەوەی ئێوارەی 2شەمە 8 ی تەمموزی 2019 تەرمی گەنجێك لە گوندێكی سنوری شارۆچكەی كەلاری ناوەندی ئیدارەی گەرمیان دۆزرایەوە، لەبەدواداچەنێكی رۆژناوانیدا (رێگای كوردستان) رۆژی پاشتر سێ شەمە 9ی تەمموزی 2019 ناسنامەكەی ئاشكرا دەكا.

موقەدەم عەلی جەمال، گووتەبێژی بەرێوەبەرایەتی پۆلیسی گەرمیان، بە (رێگای كوردستان)ى   راگەیاند، ئێوارەی2شەمە 8 / 7 / 2019 لە گوندی سەید خەلیلی نزیك بە شارۆچكەی كەلار تەرمێك دۆزرایەوە .

گووتەبێژی بەرێوەبەرایەتی پۆلیسی گەرمیان گووتیشی، "نازانین كێیەو لێكۆڵینەوە بەردەوامە".

پەیوەست بەو روداوە، ئەمڕۆ سێ شەمە 9ی تەمموزی 2019 لەسەرچاوەیەكی هەماهەنگی كەلارەوە ، (رێگای كوردستان )ئەوەی بۆ ئاشكرابوو ، قوربانیەكە لەدایك بووی ساڵی 1984 وناوی (ئ. ح. ئ.)ە ولەرۆژی 14ی مانگی رابردوەو دیار نەماوە و باری دەرونی هەندێك ناجێگیربووە .