ئەمە بڵاوبكەوە
FaceBook  Twitter  

گەڵا جاف- رێگای كوردستان

رۆژی شەمەی داهاتوو دەست بەنۆژەنكردنەوەی تونیلی دەربەندیخان دەكرێت وبەو هۆیەوە هاتوچۆ لەسەر شاخەوە دەبێت ،هاوكات ئۆتۆمبیلە بارهەڵگرەكان رێگەی هاتوچۆیان پێ نادرێت ئەگەر تونای هاتوچۆیان نەبێت بەسەر شاخدا.

لەمبارەوە، نەقیب رێژەن بورهان، بەرێوەبەری پۆلیسی هاتوچۆی دەربەندیخان،بە (رێگای كوردستان) ی راگەیاند" دوابەدوای لیژنە پەیوەندیدارەكانی سەربەوەزارەتی ئاوەدانكردنەوەو ڕێگاوبان ئاگاداریان كردین كە ڕۆژی شەمە بەرواری ۱۷/۸/۲۰۱۹كاتژمێر ۷ی بەیانی كاری نۆژەن كردنەوەی ئەرزی تونێلی دەربندیخان دەستپێدەكات بۆیە ئاگاداری شۆفێرانی بەڕێز دەكەین ڕەچاوی ڕێنمای یەكانمان بكەن بەم شێوەیە.

۱-هاتوچۆ لەسەرشاخی بەرانانەوەدەبێت و بۆئەومەبەستە ڕێگای سەرشاخ پاك دەكرێتەوەو لەهەر خۆڵ و خاشاكێك كەهاتبێتەسەرشەقامەكەو هەروەها مەفرەزەكانی هاتوچۆی بەڕێوەبەرێتیمان ئامادەكاری تەواو دەكەن بۆشۆفێران.

۲-شۆفێری ئۆتۆمبێلە بارهەڵگرەكان ئاگاداردەكەین كەئەوئۆتۆمبێلانەی كەبزانین مەرجی توندوتۆڵی یان تێدانیە یاخود دڵنیابین لەوەی كە ئۆتۆمبێلەكەی ناتوانێت بەسەرشاخدا هاتوچۆبكات ڕێگری لێدەكەیت و ڕێگای پێنادەین. ئەمەش بەمەبەستی ئەوەی نەبێتەگرفت بۆ شۆفێران و هاوڵاتیان كەلەم وەرزی گەرمایەدا دژواری و ئاستەنگ دروست بكات خەڵكی دەخاتە مەترسی یەوە.

۳-ڕێگاكانی قەراداغ،ناوتاق كراوەیەو هەرشۆفێرێك بیەوێت دەتوانێت بەكاریان بهێنێت بەلەبەرچاوگرتنی هەلومەرجی ڕێگاوبانەكان.

٤-تونێلی نیوكامپ و سەر ڕێگای بەنداوی دەربندیخان داخراوە بەهۆی نۆژەن كردنەوەی بەنداوەكەوە بۆیە بەكارهێنانی ئەوڕێگا بەربەستەو هەوڵمەدە گرفت بۆخۆت وتیمەكانی ئەوێ دروست بكەیت.

بەرێوەبەری هاتوچۆی دەربەندیخان، ئەوەشی خستەروو" ئێمەلەهاتوچۆی دەربندیخانەوە بەشەوڕۆژ ئامادەباشین بۆ هەرهاوكاری و بەدەمەوەچونێك لەهەر كاتوساتێكدابێت بۆشۆفێرانی خۆشەویست بەخۆمان و ئالیات و ئۆتۆمبێلەكانەوە لەئەگەری هەرگیرو گرفتێك بەژمارە تەلەفۆنی۰۷۷۰۲٤۳٥۲٥۳ پەیوەندیمان پێوەبكەن بۆهاوكاری و بەدەمەوەهاتنتان."