ئەمە بڵاوبكەوە
FaceBook  Twitter  

گەڵا جاف- كەلار

بەمەبەستی كاركردن لەرێگاو بانەكانی سبەی رێگەی كەلار بۆ دەربەندیخان دادەخرێت، بەتایبەت هاتوچۆی ئۆتۆمبیلی بارهەڵگر لە زۆربەی رێگەكان قەدەعەدەكرێت وماوەی 2رۆژ دەخایەنێت.

رێژەن بورهان ، بەرێوەبەری بەرێوەبەرایەتی پۆلیسی هاتوچۆی دەربەندیخان، ئەمڕۆ چوارشەمە 6 / 11 / 2019 شەمە بە رێگای كوردستانی راگەیاند، لە چوارچێوەی چاكسازی و نۆژەن كردنەوەی ڕێگاوبانەكان پرۆژەی نۆژەنكردنەوەی ڕێگای (دەربەندیخان - كەلار ) كە لە ئێستادا لە پردی دێوانە تاوەكو سەرەتای دوسایدی ناوشار نزیك بەنزینخانەكانی دەربەندیخان چەند ڕۆژێكە كۆمپانیای جێبەجێ كار سەرقاڵی بڕینی قیرتاوی ڕێگاكەیەودوینی چوارشەمە 5 ی تشرینی یەكەم ،كۆتای بەبڕینی قیرە كۆنەكە هاتووەبۆیە بۆئەومەبەستە سبەی 7ی تشرینی دووەم ڕێگای دەربندیخان بۆ كەلار بۆماوەی 2 رۆژ دادەخرێت.

گووتیشی، هاتوچۆكردن بەئاراستەی كەلار دەكەوێتە سەر ڕێگای گوندەكانی، ژاڵەناو و هۆرێن و مەیدان، بە پێچەوانەشەوە لە كەلارەوە بۆ دەربەندیخان لە شەقامی مەیدان لادەدات بۆناو شارەدێی مەیدان و بناری بەمۆ تا دەربندیخان، وە لە بەرئەوەی پردی مەیدان ناتوانێت هاتوچۆی ئۆتۆمبێلی بارهەڵگری پێدا هاتوچۆ بكات بۆیە ڕێگا نادرێت بارهەڵگرەكان بەهەردوو ئاڕاستەدا بگەڕێنەوە سەر ڕێگا هەمیشەی یەكەی ( دەربندیخان - كەلار ) هەر بۆیە ئاگاداری سەرجەم شوفێرانی بارهەڵگر دەكەینەوە لە كۆتای ئەم هەفتەوە بۆماوەی ۲ دوو ڕۆژ هاتوچۆ ڕابگرن تا ئەو كاتەی ڕێگای سەر پردی دێوانە دەكرێتەوە.

بەرێوەبەری هاتوچۆی دەربەندیخان، ئەوشس خستەروو، بۆ ئەم مەبەستە كاری پێویست و هەماهەنگی تەواو دەكرێت لەگەڵ بەڕێوەبەرایەتی هاتوچۆی گەرمیان و بنكەی ئاسایشی مەیدان و زاڵگەكان،هێماو كەرەستە ڕێنیشاندەرەكان لەسەر شەقام دادەنرێت.