ئەمە بڵاوبكەوە
FaceBook  Twitter  

كەڵا جاف- گەرمیان

بەرپرسی ڕاگەیاندن و پەیوەندییەكانی بەڕێوەبەرایەتیی ھاتوچۆی گەرمیان ڕای دەگەیەنێت، سەرجەم مامەڵەكان لە سنووری بەڕێوەبەرایەتییەكەمان ڕادەگیرێن.

ڕائید كارزان مەجید، بەرپرسی ڕاگەیاندن و پەیوەندییەكانی بەڕێوەبەرایەتیی ھاتوچۆی گەرمیان، بە رێگای كوردستانی ڕاگەیاند "سەرجەم هاووڵاتییانی سنووری گەرمیان و ئەو كەسانەش كە لە شارەكانی دیكەی هەرێمی كوردستانەوە سەردانمان دەكەن بۆ ڕاپەڕاندنی مامەڵە و كارەكانیان، ئاگادار دەكەینەوە، كە لەمڕۆوە (یەكشەممە 22/12/2019)، مامەڵەكانی تایبەت بە بەشی مۆڵەت، بەشی داواكان، سەرپێچییەكان، بەشی هونەری، گواستنەوەی خاوەندارێتیی ئۆتۆمبێل، تەحویل و تازەكردنەوەی ساڵیانەی ئۆتۆمبێل و ئەو مامەڵانەی پەیوەندییان بە پسوولەوە هەیە، ڕادەگیرێن، تا دەستپێكردنەوەی دەوام لەسەرەتای ساڵی نوێی 2020.

گووتیشی" ڕاگرتنی مامەڵەكان بەھۆی پاكتاویی ژمێریارییەوەیە.