ئەمە بڵاوبكەوە
FaceBook  Twitter  

ڕۆژی یەکشەممە ڕێکەوتی ١٢/ ١/ ٢٠٢٠ بە ئامەدەبوونی هەریەك لە هاوڕێ (د.کاوە مەحمود)سکرتێری کۆمیتەی ناوەندی حزبی شیوعی کوردستان و تێکۆشەر وسیاستمەدار(عبدوڵا حەسەن زادە) نوسەر و ڕووناکبیر(ڕەهبەر سەید برایم) پ.د. وەلی مەحمود (سەرۆکی زانکۆی کۆیە)و ژمارەیەکی بەرچاوو لە نووسەران وشاعیران و هاوڕێیان و هاوەڵانی و مامۆستایان و قوتابیانی زانکۆ و ئەندامانی بنەماڵەی دڵزاری شاعیر،لەژێردروشمی(دڵزار کۆسارێك لەشیعر و بەرەنگاری) ڕێوڕەسمی یادی(۱۰۰) ساڵەی دڵزاری شاعیر لە هۆڵى سەرۆكايەتيى زانكۆى كۆيە بەڕێوەچوو،کەتیایدا چەند ووتار و پەخشان و قەسیدەیەک خوێندرانەوە لەبەشێکی تری ڕێوڕەسمەکەشدا فیلمێکی دیکۆمێنتاری سەبارەت بە دڵزاری شاعیرپێشکەش بەئامادەبووان کرا،دواتر لە پانێڵێکی زانستی لەلایەن هەریەك لەم بەڕێزانە:

-نووسەر و شاعیر مامۆستا فازیل شەوڕۆ

-پ.ی.د. دەریا جەمال حەوێزی

-پ.ی.د. جەمال فەتحوڵڵا تەیب

-پ.ی.د. هاوژین سڵێوە

بابەت و تووێژینەوەی خۆیان پێشکەش کرد،لەبارەی بەرهەم و لایەنەکانی ژیانی دڵزاری شاعیر.

شیاوی ئاماژەپێکردنە پانێڵەکە لەلایە پ.ی.د نالی جەواد حەمەد بەڕێوەچوو.

ووتاری بنەماڵەی دڵزاری شاعیر لە لایەن دکتۆر ئامانج ی کوڕی شاعیرە وە پێشکەش کرا.

بەپێشکەشکردنی ڕێزلێنانی سەرۆکایەتی زانکۆی کۆیەوچەپکەگوڵی ئامادەبووان مەڕاسیمەکە کۆتایی هات.

فۆتۆ / ئاراس خالد

Image may contain: 11 people, people smiling, people sitting

Image may contain: 14 people, people sitting

Image may contain: 1 person, standing

Image may contain: table and indoor