ئەمە بڵاوبكەوە
FaceBook  Twitter  

ڕێناس گەمیانی 

لە لایەن ژمارەیەك چەكدارەوە باوك وكوڕێك تیرۆردەكرێن كە كوڕەكە پێشمەرگەیە وسەر بە پارتی دیموكراتی كوردستانە.

عەدنان دەلۆ جێگری سەرۆكی ئەنجومەنی شارۆچكەی خانەقین هەواڵەكەی پشت راستكردەوەوبە (ڕێگای كوردستان)ی ڕاگەیاند:- لە گوندی بەختیاری تازەی سەر بە شارۆچكەی خانەقین ئۆتۆمبیلێكی نەفەر هەڵگر لە لایەن ژمارەیەك چەكداری داعشەوە دەدرێتە بەر دەست ڕێژی گولەو لە ئەنجامدا باوك وكوڕێك شەهید دەبن لە گەڵ برینداربوون حەوت هاوڵاتی دیكە كە سەرجەمیان سەرنشینی ئۆتۆمبیلەكەن.

گوتیشی:- دوای ئەو ڕووداوەش هێزە تەناهییەكانی خانەقین دەگەنە شوێنەكە ولەگەڵ گەیشتنیان بۆمبێكی چێنراو پیاندا دەتەقێتەوەو بەو هۆیەشەوە چوار پۆلیس بریندار دەبن ودواتریش چەكدارەكان بەرەو شوێنێكی نادیار هەڵدێن.