ئەمە بڵاوبكەوە
FaceBook  Twitter  

رێگای كوردستان

رۆژی شەممە، 2021/1/23 لە بارەگای مەكتەبی سیاسی حزبی شیوعی كوردستان لە شاری هەولێر ، بە ئامادەبوونی ژمارەیەكی زۆر لە هاوڕێیان و خزمان و برادەرانی هاوڕێی كۆچكردوو ساڵڕۆی كۆچی دوای (سەعدی سادق حوسێن) ناسراو بە هاوڕێ هەندرێن بەرز راگیرا.

لە كاتی بەڕێوەچوونی مەراسیمەكەدا، وتاری كۆمیتەی پارێزگای هەولێر و وتاری كۆمەڵەی پێشمەرگە دێرینەكان و  وتاری هاوڕێ مام خدر روسی و وتاری بنەماڵەی كۆچكردوو و لەگەڵ وتاری بەشێك لە هاوڕێیانی خوێندرایەوە.

لەكۆتاییدا، كتێبێك لەسەر ژیانی هاوڕێی كۆچكردوو بەسەر ئامادەبووان دابەش كرا.

هاوڕێ هەندرێن، ناوی تەواوی(سەعدی سادق حوسێن)ە، لە دەشتی كەندێناوە لە بناری چیای قەرەچوغ لە گوندی دارەخورما، لەساڵی 1964 لە خێزانێكی جوتیار و هەژار لە دایكبووە. خاوەن پێنج كچ و یەك كوڕە. 

هاوڕێ (هەندرێن) لە ساڵی 1985 دەبێتە پێشمەرگە لە ریزەكانی حزبی شیوعی لە لقی قەرەچوغ. لەچەندین چالاكی و داستاندا بەشداری دەكات و رۆڵێكی كاریگەری دەبێت و لە داستانی (هێلەوە)ش كە لە پایزی 1986 بەسەختی بریندار دەبێت و هەروەها جارێكی تر لە ساڵی 1988 لە بۆسەیكدا بریندار دەبێت.

سەرنجام لە ساڵی 2014 توشی نەخۆشی دەبێت و دوای شەش ساڵ بەهۆی ئازار و نارەحەتی یەكی زۆرەوە، لە 23/1/2020 دڵە گەورەو ناسكەكەی لە لێدان وەستا و چووە كاروانی نەمران.

 

May be an image of sitting and standing

May be an image of ‎‎‎17 people, including ‎قە رە چوغ شێروانی‎‎, people standing‎ and people sitting‎

.