ئەمە بڵاوبكەوە
FaceBook  Twitter  

هاوڕێ کرێکار- ‎رێگای كوردستان

کۆمیتەی کفری حزبی شیوعی کوردستان،لە ڕاگەیەنراوێکدا، پشتیوانی خۆی بۆ خۆپیشاندان و ناڕەزایەتیەکانی خاوەنکار وکاسبکارانی کفری دەربڕی.

دەقی ڕاگەیەنراوەکە:

ئێمە لە حزبی شیوعی کوردستان پاڵپستی تەواوی نارەزایەتی وخۆپیشاندانی کاسبکاران و شۆفێری بارهەڵگرەکان وکرێکاران و سەرجەم ئەو هاوڵاتیانە دەکەین، کە لە پێناو پەیداکردنی بژێوی ژیانی ماڵ ومناڵیان هاتوونەتە شەقام و داوای چارەسەرکردنی بەپەلەی کێشەکانیان دەکەین.

ماوەیەکە،بازگەی قوریچای لەلایەن هێزە عێراقییەکانەوە داخراوە و رێگیری لە شۆفێرانی ئۆتۆمبێلی بارهەڵگر دەکرێت. بۆیە ڕایدەگەیەنین هەروەکو چۆن پێشتریش حزبمان پاڵپشتی تەواوی بۆیان دەربڕیوەو کارمان لەسەر کردوە، ئێستاش بەهەمان نەفس بەردەوام دەبین.