بەگوێرەی راگەیێندراوێکی بەڕێوەبەرایەتی ، ئێوارەی رۆژی سێشەممە 29-11-2022 لە ناوچەکانی رۆژئاوای هەرێمی کوردستان بارانبارین بە شێوەی تاوەباران دەستپێدەکات و دواتر نمە باران زۆربەی ناوچە شاخاوییەکان دەگرێتەوە.

کەشناسیی هەرێمی کوردستان ئاماژەی بەوەش کردووە، رۆژی چوارشەممە کاریگەریی شەپۆلەکە زیاتر دەبێت و سەرتاسەری هەرێمی کوردستان دەگرێتەوە؛ راشگەیێندراوە، "لە ناوچەکانی باشووری هەرێمی کوردستان و سەنتەری شاری هەولێر، ئەگەری لێزمە باران و هەورە برووسکە هەیە."

لە راگەیێندراوەکەی کەشناسیی هەرێمی کوردستاندا پێشبینی بۆ پلەی گەرمای سبەی لە باشووری کوردستان بەم شێوەیەی خوارەوە خراوەتەڕوو:

هەولێر: 21 پلەی سیلیزی

سلێمانی: 22 پلەی سیلیزی

دهۆک: 20 پلەی سیلیزی

کەرکووک: 24 پلەی سیلیزی

هەڵەبجە: 21 پلەی سیلیزی

زاخۆ: 21 پلەی سیلیزی

سۆران: 16 پلەی سیلیزی

گەرمیان: 26 پلەی سیلیزی