بەهۆی وەرگەڕانی پاسێك كە بەنیاز بووە لە ئەنقەرەوە بەرەو شارۆچكەی كالەجیك بڕوات، دە كەس گیانیان لە دەستداو سی و دوو كەسی دیكەش بریندار بوون.

پارێزگاری ئەنقەرە لەڕاگەیەندراوێكدا ڕایگەیاند بەرەبەیانی رۆژی شەممە پاسێك كە بەنیاز بووە لە كاستامۆنوەوە بۆ ئەنقەرە بچێت، شۆفێری پاسەكە لە شارۆچكەی كالەجیك كۆنترۆڵی لەدەستداوەو بەو هۆیەوە پاسەكە وەرگەڕاوەو لەئەنجامدا دەكەس گیانیان لەدەستداو سی و دوو كەسی دیكەش برینداربوون كە برینی یانزە كەسیان سەختە.

پارێزگای ئەنقەرە ئەوەشی خستەڕوو كە رووداوەكە بەهۆی خەولێكەوتنی شۆفێرەكەوە روویداوە و لێكۆڵینەوەش لە رووداوەكە بەردەوامە.

رووداوەكە لە كاتێكدایە كە هەفتەی رابردووش پاسێكی گەشتیاری لە نزیك ئەنقەرە وەرگەڕاو بەهۆیە سی و دوو كەس گیانیان لە دەستداو ژمارەیەكی دیكەش بریندار بوون.

 

عێراقی وجیهانی