ئاژانسی هەواڵی دیجلە بڵاویكردەوە" ئەحمەد ئادانور سەرۆك شارەوانیی دانراوو قەیومی حكومەتی توركیا لەشاری جزیرەی باكووری كوردستان، مۆنۆمێتی ئۆرهان دۆغان سەركردەی دیاری كوردو پەرلەمانتاری پێشووی دەپ كە لەساڵی ٢٠١١ەوە لەلایەن شارەوانیی دەبەپەوە لەشاری جزیرە دروستكرابوو رووخاند و دارەكانی دەورووبەری مۆنۆمێنتەكەشیان هەڵكەند.

ئاماژە بەوەشكراوە" ئەمڕۆ هێزەكانی پۆلیس پەیكەرەكە و مۆنۆمێنتەكەی ئۆرهان دۆغانیان بە ئۆتۆمبێلی زرێپۆش و حەفارە گەمارۆداو دوای داخستنی شەقامەكە هێزەكانی پۆلیس بە حەفارە دەستیان بە هەڵكەندنی دار و گوڵەكانی دەرووبەری مۆنۆمێت و پەیكەرەكەی ئۆرهان دۆغان كرد و بە دوای ئەوەشەدا حەفارەكان مۆنۆمێنتەكە و هەروەها پەیكەرەكەی ئۆرهان دۆغانیان لە شاری جزیرە رووخاند.

ئەوەش رووونكراوەتەوە" بڕیارە حكومەتی توركیا لەشوێنی پەیكەرەكەی ئۆرهان دۆغان، كامێرای چاودێریی دابنێت.

عێراقی وجیهانی