ئەم هەواڵە بڵاوبكەوە
FaceBook  Twitter  

كۆمەڵەی سوریا بۆ چاودێری مافەكانی مرۆڤ رایدەگەیەنێت، شەڕی قورس لەنێوان هێزەكانی سوریای دیموكرات و هێزەكانی ئۆپـۆزسیۆنی سوریا ئەوانەی توركیا پاڵپشـتیان دەكات، هەڵگیرساوە.

كۆمەڵەكە رۆژی دووشەممە ڕایگەیاند، شەڕەكان ناوچەكانی دەوروبەری هەردوو گوندی عەین دقنە و مەرعەنازی رۆژهەڵاتی شاری عەفرینی گرتووەتەوە و هەردوو لایەن بەچەكی قورس تۆپبارانی یەكتر دەكەن و زیانی گیانی بەر هەدوولا كەوتووە.

كۆمەڵەكە لەراگەیەندراوێكدا دەشڵێت، ئەو شەڕ و پـێكدادانانە دوای ئەوەیە كە سوپای توریكا لەماوەی چەند ڕۆژی رابردوو لەگەڵ هێزەكانی ئۆپـۆزسیۆن ئامادەكارییان بۆ ئۆپەڕاسیۆنێـكی سەربازی دەكرد بەئامانجی كۆنترۆڵكردنی ئەو ناوچەیەی دەكەوێتە نێوان مارع و دێر جەمال تاوەكو دەیان هەزار ئاوارە بۆ گوندەكانیان بگەڕێنەوە.

پێشتریش شەڕڤانان و بەپرسانی رۆژئاوای كوردستان هۆشداری ئەوەیان دابوو كە توركیا بەنیازی داگیركردنی عەفرینە و لەرێی تۆپبارانكردنی هەرێمی شەهباشەوە دەیەوێت پلانەكەی جێبەجێ بكات.