ئەم هەواڵە بڵاوبكەوە
FaceBook  Twitter  

بەهۆی هێرشی هێزەكانی پۆلیسی میسری بۆسەر خۆپیشاندران لە رۆژئاوای شاری قاهیرەی پایتەختی میسرپەنجاوحەوت كوژراو بریندار بوون وژمارەیەكی دیكەش دەستگیر كران.

وەزارەتی ناوخۆی میسری بەیانامەیەكی سەبارەت بە روداوەكە بڵاوكردەوەو، ئاماژە بەوە دراوە كە ژمارەیەكی زۆر لە هاووڵاتییان دژ بە هەڵمەتێك بۆ رووخاندنی خانووەكانیان كە لەسەر كەناری ناوچەی دوورگەی وەراق لەسەر لێواری رووباری نیل لە پارێزگای جیزە رۆژئاوای قاهیرە خۆپیشاندانیان كرد، هێزەكانی پۆلیس ناچاربوون بە گازی فرمێسكڕێژ بڵاوە بە خۆپیشاندەران بكەن.

بە پێی بەیاننامەكە، لەو كاتەدا پێكدادان لە نێوان هێزەكانی پۆلیس و خۆپیشاندەران رووی دا و بە هۆیەوە كەسێك كوژراو و سیو حەوت پۆلیس و نۆزدی هاوڵاتی مەدەنیش برینداربوون و دە خۆپیشاندەریش دەستگیركران.

دوا بە دوای ئەو روداوانەش لیوا محەمەد كەمال دال پارێزگاری جیزە بریارێكی دەركردو ئاماژەی بەوەكردوە كە بەهۆی فشاری خۆپیشاندەران و ناچار بووە بڕیاری رووخاندنەكە دوا بخات.

بەرپرسانی میسر رایدەگەیەنن كە ئەو خانووانە بە زیادەڕەوی لەسەر موڵكی دەوڵەت دروستكراون بۆیە حكوومەت بڕیاری داوە بیانرووخێنێت.