ئەم هەواڵە بڵاوبكەوە
FaceBook  Twitter  

 

شەڕڤانانی هێزەكانی سوریای دیموكرات گەڕەكی سەكەنی و چوارڕیانی نەعیمی لە ناوەڕاستی شاری رەققە كۆنترۆڵدەكەنەوەو لە گەڕەكی ئەمینیش سی و پێنج تیرۆریست دەكوژرێن، پێكدادانەكانیش بەردەوامن.

ئاژانسی هەواڵی فورات نیوز لە زاری جیهان شێخ ئەحمەد، وتەبێژی ئۆپەراسیۆنی توڕەیی فورات بڵاویكردەوە، كە شەڕڤانانی هێزەكانی سوریای دیموكرات، گەڕەكی سەكەنی و چوارڕیانی نەعیمیان لە ناوەڕاستی شاری ڕەققە ڕزگار كردووەو ژمارەیەك تیرۆریستی داعشیش لەپێكدادانەكاندا كوژراون.

هاوكات شەڕی قورس لە دەوروبەری نەخۆشخانەی وەتەن و باخچەی ڕەشید لە گەڕەكی ئەمین بەڕێوەدەچێت و لە ماوەی بیست و چوار كاتژمێری ڕابردوودا شەڕڤانان لە ڕووبەڕووبوونەوەكاندا سی و پێنج تیرۆریستی داعشیان كوشتووە و ئوتۆمبێلێكی بۆمبڕێژكراویشیان تێكشكاندووە، لەو شەڕانەشدا پێنج شەڕڤان شەهید بوون.