ئەم هەواڵە بڵاوبكەوە
FaceBook  Twitter  

رۆژی دووشەممە 17ی تەمموزی 2017 کۆمیتەی پارێزگای هەولێری حزبی شیوعی کوردستان قۆناغی دووەمی هەڵمەتی نیشتیمانی بۆ پاڵپشتی لە خانەنشینان لەناو پاركی خەننشینان لەشاری هەولێر بە ئامادەبوونی ژمارەیەكی بەرچاو لە خانەنشینان دەستی پێكرد.

ئەحمەد شێروانی ئەندامی كۆمیتەی ناوەندی و بەرپرسی كۆمیتەی پارێزگای هەولێری حزبی شیوعی، لەوتەیەكدا بۆ خانەنشینان رایگەیاند، ئەمە هەڵمەتێكی نشتیمانییە لەلایەن هەریەكە لە حزبی شیوعی و حزبی كۆمەنیستی كرێكاری و حزبی زەحمەتكێشان و حزبی بزووتنەوەی دیموكرات گەلی كوردستان پاڵپشت دەكرێت، ئامانج لێی گەرانەوە و دابەشكردنی مووچەی خانەنشینانە لەكاتی خۆیی، هەروەها دابینكردنی خزمەتگوزاری تەندروستی و كۆمەڵایەتی بۆ خەنەنشینان.

شێروانی راشیگەیاند، ئێمە لەیاداشتێكدا بۆ لایەنە پەیوەندیدارەكان داوامان كردووە مووچە دواكەتووەكانی خانەنشینان بگەڕێندرێتەوە، بە میكانزیمێكی گونجاو مووچە دابەشبكرێت، نەك لەبەردەم گەرمای هاوین و سەرمای زستان خانەنشینان ریز بكرێن و بێرێزیان پێ بكرێت.

بەرپرسی كۆمیتەی پارێزگای هەولێری حزبی شیوعی ئەوەشی خستەروو، ئەم هەڵمەتە بەردەوام دەبێت تا پاڵپشتیەكان فراوان بیت و مووچە بۆ خانەنیشان و مووچەخۆران بگەرێندرێتەوە.