ئەم هەواڵە بڵاوبكەوە
FaceBook  Twitter  

شەوی دووشەممە لەسەر سێشەممە لە شارۆچكەی سۆرانی سەر بە پارێزگای هەولێر، كچێكی تەمەن هەژدە ساڵان بەهۆی سوتانەوە رەوانەی نەخۆشخانەی رۆژئاوای شاری هەولێر كرا، سەر لە بەیانی سێشەممەش بەهۆی زۆری سوتانەكەی گیانی لە دەستدا.

وتەبێژی بەڕێوەبەرایەتی نەهێشتنی توندوتیژی دژ بەئافرەتان بەكەناڵی رێگای رایگەیاند كاتژمێر دەی شەوی دووشەممە لەلایەن نەخۆشخانەی فریاكەوتنی سۆرانەوە بەبوونی حاڵەتێكی سوتان ئاگاداركراینەوە، بەپێی لێكۆڵینەوەكانمان ئەو كچە دانیشتووی شاری سۆرانەو تەمەنی هەژدە ساڵانەو كچی ماڵەوەیە بەهۆی بێهۆشی و زۆری رێژەی سوتانەكەی كە بە لەسەدا نەوەد دیاركراوە نەمانتوانی وتەی لێ وەرگرین.

مولازمی یەكەم شێروان خالید راشیگەیاند هەرئەوكات لەلایەن نەخۆشخانەی فریاكەوتنی سۆران كچەكە رەوانەی نەخۆشخانەی رۆژئاوای هەولێر كرا، بەڵام بەداخەوە سەرلەبەیانی سێشەممە ئاگاداركراینەوە كە گیانی لە دەستداوە.

شێروان خالید ئاماژەی بۆئەوەشكرد كە تائێستا كەس لەسەر ئەو رووداوە دەستگیر نەكراوەو پەڕاوی لێكۆڵینەوەش كراوەتەوەو رەوانەی بەردەم دادوەر كراوە.