ئەم هەواڵە بڵاوبكەوە
FaceBook  Twitter  

قائیمقامی شارى هەولێر بەهاوكاری پۆلیسی شارەوانییەكان و هێزی زێرەڤانی، هەڵمەتی لابردنی كاسبكارانی سەر شەقامەكان دەستپێكرد.

نەبەز عەبدولواحید قایمقامی ناوەندی پارێزگای هەولێر رایگەیاند" لەم هەڵمەتەدا سەرجەم ئەو كاسبكارو میوەفرۆشانەی سەرشەقامەكان بەشێوەیەكی ناشارستانی و نایاسایی لەسەر شۆستەو لەناو شەقامەكان شت دەفرۆشن، لادەبرێن و رێگەیان پێنادەین بەو هەرەمەكییە كەلوپەل لەسەر شەقام دابنێنەوە".

قایمقامی ناوەندی پارێزگای هەولێر گوتیشی" سەرەتادا لەسنوری سەرۆكایەتی شارەوانی شەش هەڵمەتەكە دەستپێدەكەین و دواتر سنوری سەرجەم شارەوانییەكانی تریش دەگرێتەوەو سەرجەم زیادەڕۆییەكانی سەر شەقامەكانی هەولێر لادەبرێن و هەركەسێك دووبارە سەرپێچی بكاتەوە بەبڕی یەك تا پێنج ملیۆن دینار غەرامە دەكرێت. بۆئەوانەی كە لاشیان دەبەین بەشێوەی كاتی زەوییان بۆدابیندەكەین. 

کوردستانی