یانەی ریاڵ مەدرید لە حوزەیرانی داهاتوو نوێكردنەوەی گرێبەستەكانی مارسیلۆ و كارفاخال تا دوو هەزارو بیست و دوو رادەگەیەنێت.

رۆژنامەی ئاسی ئیسپانی بڵاویكردووەتەوە، كە ئیدارەی ریاڵ مەدرید بڕیاریداوە تا دوو هەزارو بیست و دوو گرێبەستەكانی هەردوو بەرگریكاری یانەكەی مارسیلۆی بەڕازیلی و كارفاخالی ئیسپانی نوێ بكاتەوە و راگەیاندنی گرێبەستە نوێكانیش لە حوزەیرانی داهاتوودا دەبێت.

لەگەڵ ئەوەی گرێبەستەكانی هەردوو یاریزانی ناوبراو لە دوو هەزارو بیست كۆتایی دێن، بەڵام فلۆرنتینۆ پێرێزی سەرۆكی یانە مەلەكیەكە دەیەوێت لەگەڵ نوێكردنەوەكەدا موچەكانیشیان بەرزبكاتەوە، بۆ ئەوەی ماوەیەكی زیاتر لە ریزی یانەكەدا بیانهێڵێتەوە.

مارسیلۆی بیست و هەشت ساڵ و كارفاخالی بیست و پێنج ساڵ، لەم وەرزەدا ئاستێكی بەرچاویان لەگەڵ یانەكەیان پیشانداوە و بەدەگمەن و بەهۆی پێكانەوە نەبوبێت هەردەم لە پێكهاتەی سەرەكی زەینەدین زیدانی راهێنەردا بوون.

وەرزش