ئەمە بڵاوبكەوە
FaceBook  Twitter  

هاوڕێ كرێكار- رێگای كوردستان

دوای ئه‌و ئاسته‌ی به‌رزه‌ی، ئه‌مساڵ له‌ خولی یانه‌كانی عێراق بۆ تۆپی باله‌ پێشكه‌شی كرد، خه‌یاڵ حمه‌،كاپتنی تیپی باله‌ی كچانی یانه‌ی وه‌رزشی ده‌ربه‌ندیخان بانگهێشتی هه‌ڵبژارده‌ی عێراق كرا.

خه‌یاڵ ماوه‌ی پێنج ساڵه‌ له‌ ریزی تیپی باله‌ی كچانی یانه‌ی وه‌رزشی ده‌ربه‌ندیخان یاری ده‌كات و كاپتنی ئه‌و یانه‌یه‌یه‌، ئاستێكی به‌رزی له‌ خول و یارییه‌ دۆستانه‌كان پیشان داوه‌ و توانیویه‌تی خۆی بسه‌لمێنێت .

كاپتنه‌كه‌ی یانه‌ی ده‌ربه‌ندیخان،دڵخۆشه‌ به‌وه‌ی بانگهێشتی ڕیزی هه‌لبژارده‌ی عێراق كراوه‌ و وه‌ك خۆی ده‌ڵێت، ئاماده‌م به‌ده‌م ئه‌و بانگهێشته‌وه‌ بڕۆم و له‌ ڕیزی ئه‌و هه‌ڵبژارده‌یه‌ یاریی بكه‌م .

كچه‌ ده‌ربه‌ندیخانیه‌كه‌، بۆ بانگهێشتكردنی بۆ ڕیزی هه‌لبژارده‌ی عێراق و ئه‌و ئاسته‌ی پێشكه‌شی كردووه‌، سوپاسی ڕاهێنه‌ر و یاریده‌ده‌ری ڕاهێنه‌ر و یاریزانان و هانده‌رانی یانه‌كه‌ییان و ماڵه‌وه‌یان ده‌كات كه‌ هه‌میشه‌ هاوكار و پشتیوانی پله‌ یه‌كی بوونه‌ .

خه‌یاڵ، ئه‌وه‌شی نه‌شارده‌وه‌،كه‌ له‌ ماوه‌ی یاریكردنیدا زۆر ڕێگیری و ئاسته‌نگی بۆ دروست بووه‌ به‌ڵام بێ گوێدانه‌ هه‌موو شتێك ئه‌و ئاسته‌نگیانه‌ی تێپه‌ڕاندووه‌ و به‌رده‌وام بووه‌ له‌ په‌ردان به‌ ئه‌و ئاواته‌ی هه‌لیبژاردووه‌ و له‌ پێناویدا جه‌نگاوه‌.