ئەمە بڵاوبكەوە
FaceBook  Twitter  

راپۆرتی رۆژنامەكانی ئیسپانیا ئاشكرایان كردوە كە یانەی ریاڵ مەدریدی ئیسپانی لە پێناو پاراستنی یاساكانی یاریی خاوێن و خۆ بە دور گرتن لە سزادان پێویستە چوار ئەستێرە لە ریزەكانی یانەكانی بفرۆشێت لە پێناو هاوسەنگ كردنەوەی داهات و خەرجییەكانی یانەكەی.

رۆژنامەی ماركا ئاشكرایكردوە كە پێویستە بەرپرسانی یانەی ریاڵ مەدریدی ئیسپانی بە بەهای 178 ملیۆن یۆرۆ یاریزان بفرۆشن لە پێناو ئەوەی خەرجی داهاتی یانەكە یەكسان بێتەوە، بۆئەوەی كورتهێنان لە بودجەی یانەی ریاڵ مەدرید رونەدات لە وەرزی 2019 بۆ 2020.

هەمان سەرچاوە ئەوەشی ئاشكراكردوە، كە بەرپرسانی یانەی ریاڵ مەدرید لە ئێستاوە پلان بۆ ئەوە دادەنێن لە گواستنەوەی زستانەدا چەند یاریزانێكی یانەكە بفرۆشت ئەوانیش پێك دێن لە جەیمس رۆدریگێز و گاریس بەیل و ماریانۆ دیاز و ئیبراهیم دیاز.

ریاڵ مەدرید لە مێركاتۆی رابردو بە بەهای 305.5 ملیۆن یۆرۆ یاریزانی بۆ یانەكەی گواستۆتەوەو تەنها بە بەهای 130 ملیۆن یۆرۆ یاریزانی فرۆشتوە.