ئەمە بڵاوبكەوە
FaceBook  Twitter  

 

لە درێژەی یارییەكانی جەولەی دووەمی قۆناغی كۆمەڵەكانی جامی جیهانی 2022ی قەتەر، لە كۆمەڵەی پێنجەمدا و لە یاری لوتكەدا، هەردوو هەڵبژاردەی ئیسپانیا و ئەڵمانیا ڕووبەڕووی یەكبوونەوە.

لە تایمی یەكەمدا، هەردوو هەڵبژاردە چەندین هێرشی بەهێزیان ڕووبەڕووی یەكتر كردەوە، بەڵام لە تۆماركردنی گۆڵدا سەركەوتوو نەبوون و تایمەكەش بەبێ گۆڵ كۆتایی هات.

لە تایمی دووەمدا، ئیسپانیا باشتر بینرا و لە خولەكی 62دا گۆڵێكی لە ڕێگەی ئەلڤارۆ مۆراتاوە تۆماركرد، بەڵام نیكلاس فولكروك لە خولەكی 83دا گۆڵی بەرامبەری بۆ ئەڵمانیا تۆماركردەوە و یارییەكەش بە یەكسانی و بە گۆڵێك بۆ هەردوولا كۆتایی هات.

بەم ئەنجامە، ئیسپانیا دوای بردنەوەیەك و یەكسانبوونێك بە چوار خاڵ پارێزگاری لە پێشەنگی كۆمەڵەكەی كرد و ئەڵمانیاش دوای دۆڕاندنێك و یەكسانبوونێك لە پلەی چوارەم و كۆتاییدایە وخاڵێكی هەیە.