ئەم هەواڵە بڵاوبكەوە
FaceBook  Twitter  

مەشق و راهێنانەكانی بەرشەلۆنە رۆژی ئەمرۆ چوار شەممە بەمەبەستی ئامادەكاری بۆ وەرزی نوێ دەستی پێكرد.

ڤالڤێردی راهێنەری نوێی بەرشەلۆنە لەگەڵ تیمە نوێیەكەی سەردانی یاریگای كامپ نویان كرد و ئامادەكارییەكانیان بۆ وەرزی نوێ دەستپێكرد.

ڤالڤێردی یاریزانەكانی ئاگاداركردۆتەوە كە لە دوانزەی مانگەوە مەشق و راهێنان دەستپێدەكاتەوە.

تا ئێستا هەژدە یاریزان ئامادەن بەشداری راهێنانەكان بكەن كە چواردە یاریزانیان لە تیپی یەكەمن و چوار یاریزانیشیان سەر بە تیپی دووەمی بەرشەلۆنەن.

هەردوو یاریزان میسی و سوارێزیش كۆتاییان بە پشوەكانیان هێناو ئەوانیش گەراونەتەوە بۆ بەرشەلۆنە.

هەندێ لە یاریزانەكانی تریش هێشتا لە پشوەكانیان تەواو نەبون بە رەزامەندی یانەی بەرشەلۆنە ئامادەی راهێنانەكان نابن.