ئەم هەواڵە بڵاوبكەوە
FaceBook  Twitter  

یانەی ریاڵ مەدرید بەسەركەوتن لەیاریگای نیوكامپ گەڕایەوەو شكستێكی قورسی دووچاری بەرشلۆنە كرد .

تایمی یەكەمی یارییەكە بەسپێتی و بەبێ تۆماركردنی گۆڵ كۆتایی هات، بەڵام لەدەسپێكی گێمی دووەم و لەخولەكی پەنجا جیرارد پیكێ بەهەڵە گۆڵێكی تۆماركردو ریاڵ مەدریدی پێشخست.

دواتر و لەخولەكی حەفتاو حەفت لیۆنێل مێسی سەركەوتووانە لێدانێكی پەناڵتی جێبەجێكردو ئەنجامەكەی بەسودی بەرشلۆنە یەكسان كردەوە.

لەخولەكی هەشتا كریستیانۆ رۆناڵدۆ كە لەگێمی یەكەمدا لەسەر كورسی یەدەگ بوو، بەلێدانێكی بەهێز گۆڵی دووەمی ریاڵ مەدریدی تۆماركرد.

دوای دوو خولەك بەسەر ئەو گۆڵەدا كریستیانۆ دووەمین كارتی زەردی پێدراو لەیارییەكە بێبەشكرا.

لەخولەكی نەوەدو لەهێرشێكی هەڵگەڕاوەدا ئەسینسیۆ ریاڵ مەدریدی كردە خاوەنی گۆڵی سێیەم و یارییەكەش بەئەنجامی سێ‌ گۆڵ بەرامبەر گۆلێك بەسودی ریاڵ مەدرید كۆتایی هات.

چوارشەممە هەردوو یانە لەسەر یاریگای سانتیاگۆ بێرنابیۆ بەیەك دەگەن، بەرشلۆنە بۆ دەستەبەركردنی نازناوەكە پێویستە بەجیاوازی سێ گۆڵ سەركەوتن تۆمار بكات، ریاڵ مەدرید بە بردنەوەو یەكسان بوون و شكستیش بەجیاوازی دوو گۆڵ دەبێتە پاڵەوان.