ئەم هەواڵە بڵاوبكەوە
FaceBook  Twitter  

کەلار ، باشترینەکانی ساڵ لە بواری تۆپی پێ دیاری کران و عەلی کاکە مینە وەک باشترین یاریزان دیاریکرا

نیزام شەبیب

لە قەزای کەلار و لە هۆڵی بەڕێوەبەرێتی وەرزش و لاوان و بە ئامادەبوونی هادی کەریم جێگری سەرۆکی یەکێتی تۆپی پێی کوردستان و ژمارەیەک لە یاریزانە دێرینەکانی شاری کەلارو ژمارەیەک لە وەرزشکار و وەرزش دۆست و یاریزانانی تۆپی پێی و ڕۆژنامەنوسانی وەرزشی ، مەراسیمی باشترینەکانی تۆپی پی بۆ ساڵی ۲۰۱۷ لە کەلار بەڕوەچوو، کە ڕۆژنامەنوسان هەردی حەسەن و ماجد سڵێمان و دانا لەتیف، بەهاوکاری بەڕێوەبەرێتی وەرزش و لاوانی کەلار پێ هەستا بوون.

هەردی حەسەن، یەکێک لە سەرپەرشتیارانی مەراسیمەکە، بۆ ڕێگای کوزدستان وتی: ئەمساڵ وەک سێ ڕۆژنامەنووس دانا لەتیف و ماجد سڵێمان و بەندە، بە باشمانزانی بۆ خزمتکردن و هاندانی زیاتری یاریزانانی تۆپی پێ لە شاری کەلار ، باشترینەکان دیاری بکەین و لە مەراسیمێکدا بۆ کەلار و خەڵکی کوردستانی ئاشکرا بکەین، هەڵبەت ئێمە ژمارەیەک ناوبژیوانی ناوەڕاستی یاریگا و یاریدەدەر و ڕاهێنەر و باشترین یاریزانی لاو و پێشکەوتوو و باشترین گوڵپارێزی لاو و پێشکەوتوو و تیپی نموونەیی ساڵ و یاریزان مان بۆ پێکهاتەی ساڵ دەست نیشانکرد .

هەردی حەسەن، وتیشی : دواتر لە لایەن ڕاهێنەر و کابتنی تیپەکانی شاری کەلار و ڕۆژنامەنوسانی وەرزشیەوە دەنک لەسەر دیاریکردنی باشترینەکان دراو و باشان لەلایەن ستافێک لە ناوبژیوانان تیپی نمونەی ساڵ دیاریکرا و دواتریش ستافێک لە ڕاهێنەران پێکهاتەی ساڵیان دیاریکرد و پاشان ستافێکی تر لە ڕاهینەر و ڕۆژنامەنووسانی وەرزشی دەنگەکانیان جیاکردەوە .

هەردی ئاماژەی بەوەشدا، دیاریکردنی باشترینەکانی ساڵ بەم شێوەیە بوو: دووباشترین یاریدەری ناوبژیوان 

ئەیاز محمد 

محمد یوسف 

باشترین ناوبژیوان 

هونەر ڕحیم 

باشترین ڕاهێنەر 

محسن عبدالکریم 

باشترین یاریزانی لاو 

داناکامران 

باشترین گۆڵپارێزی لاو 

پاڤێڵ نوری 

باشترین گۆڵپارێزی پێشکەوتوان 

حسن حسین 

باشترین یاریزان 

علی کاکەمینە 

تیپی نمونەی 

تیپی تەلەبە

پێکهاتەی ساڵ ۱- ٤ - ۳- ۳ دیاریکرا بوو بەم شێوەیە بوو : 

حەسەن حوسێن 

محەمەد عزەت ، سامان عەبدولکەریم ، سەلام عەزیز ، ئاراس مستەفا 

عەدنان ڕەحیم ، محەمەد سابر ، ئەرکان ڕەحیم 

هونەر ئەحمەد ، عەلی کاکە مینە ، بیلال ساڵح