ئەم هەواڵە بڵاوبكەوە
FaceBook  Twitter  

کریستیانۆ رۆناڵدۆی پورتوگالی پاش پەیوەندی کردنی بە یۆڤانتۆسەوە نامەیەکی بۆ هاواداران و هاندەرانی ریاڵ مەدرید و ئیدارەى یانەکەى ناردوە

رۆناڵدۆ لە نامەکەدا سوپاسی ئیدارە و یاریزانەکان و هاندەران و تیمی پزیشکی و هونەری ریاڵ دەکات

باسی ئەو نۆ ساڵەش دەکات کە لە ریزەکانی ریاڵ مەدرید بەسەری بردوەو شانازی پێوە دەکات

تەئکیدیشی کردۆتەوە کە لە روی تاک و کۆمەڵەوە رازی بوە لەو نۆ ساڵەى لە ریاڵ بەسەری بردوە

 

 

سەرجەم وتەکانی رۆناڵدۆ لە نامەکەدا

رۆناڵدۆ: ئەم چەند ساڵەى ریاڵ و شاری مەدرید لەوانەیە خۆشترین بن لە ژیانم

رۆناڵدۆ: هیچ شتێکم نییە جگە لە رێز و سوپاس بۆ یانەکە و هاندەران و ئیدارەکەى، ناتوانم لە سوپاس زیاتر هیچتان پێ بڵێم

رۆناڵدۆ: پێموایە ئێستا کاتی ئەوە هاتوە لاپەرەیەکی تازە لە ژیانم هەڵبەمەوە، ئەمەش تاکە رێگە بوو بۆ ئەوەى بە یانەکەم بڵێم رێگەم بدەن برۆم ، دەمەوێت هاندەران و هاوادارنم لێم تێبگەن

رۆناڵدۆ: هەموتان لەگەڵم باش بون لەماوەى نۆ ساڵدا ، نۆ ساڵی جیاوازم بەسەر برد، کاتێکی خۆشم بەسەر برد، بەڵام لەگەڵ ئەوەشدا بە تێکۆشان چونکە ریاڵ یانەیەکە هەمیشە داواى زۆرترت لێدەکات، بەڵام هەرگیز بیرم ناچێتەوە کە کاتێکی خۆشم بەسەر بردوە

رۆناڵدۆ: یانەیەکی باشمان هەبوو لە یاریگا و ژوری خۆگۆرین ، پشتگیرییەکی باشی هاندەرانمان هەبوو، سێ چامپیۆنزلیگمان لەسەر یەک بەدەستهێناو چواریشم بردۆتەوە لە پێنج ساڵی رابردودا

 

رۆناڵدۆ: لەسەر ئاستی تاک رازیم بەوەى چوار تۆپی ئاڵتونم بەدەستهێناوە ، سێ پێلاوی ئاڵتونیشم بردۆتەوە

 

رۆناڵدۆ: ریاڵ مەدرید خێزانمە بۆیە لەهەمو کات زیاتر دەمەوێت بڵێم سوپاستان دەکەم ، سوپاسی سەرۆک و هاورێکانم و هەموو دەستەى هونەری و پزیشکەکان و هاندەران دەکەم

 

رۆناڵدۆ: لەماوەى نۆ ساڵی رابردودا چەندین یاریزانی باشم ناسیوە رێزم بۆ هەمویان هەیە

 

رۆناڵدۆ: پێموایە ئێستا کاتی ئەزمونێکی نوێیە ، دەرۆم ، بەڵام لەگەڵ ئەم درێسە و ئەو دروشمەى ریاڵ مەدرید هەمیشە وا دەزانم لەماڵی خۆمانم

 

رۆناڵدۆ: سوپاس بۆ هەموتان ، هەر وەک یەکەم جار وتم ، هەلا مادرید

  • 1