ئەم هەواڵە بڵاوبكەوە
FaceBook  Twitter  

نەبوونی هەلی یاریی كردن لە ریاڵ مەدرید بۆ جەیمس رۆدریگێز وای كردووە زۆرێك لە یانەكان ئۆفەری خۆیان بۆ ئەو یاریزانە كۆڵۆمبیا پێشكەش بكەن.

هەرچەندە لە سەرەتای ساڵی دوو هەزارو حەڤدەوەو لەدوای یاریی چوونیان لە جامی شا بەرانبەر سێڤییا، جەیمس مانەوەی خۆی راگەیاند بۆ تا كۆتایی وەرزی ئەمساڵ، بەڵام هێشتا یانەكان هەوڵ خۆیان دەدەن و كۆڵ نەدەن.

بەپێی هەواڵێكی رۆژنامەی ماركای ئیسپانی، لەوكاتەی چێڵسی ئۆفەری خۆی بۆ كڕینی یاریزانە كۆڵۆمبییەكە پێشكەشی ریاڵ كردووە، هەربۆیە كریستیانۆ بە تایبەتی قسەی لەگەڵ جەیمس كردووە بۆ ئەوەی رەتیبكاتەوە.

لەلایەكی دیكەشەوە هەمان سەرچاوە رایگەیاند یانەی هیبی چینی هاتووەتە سەرهێڵ و دەیەوێت لە رێگەی پارەیەكی زۆرەوە جەیمس پەلكێش بكاتەوە یانەكەیان.

ئۆفەری یانە چینییەكەش سەدو دە ملیۆن یۆرۆیە، كە مووچەی ساڵانی جەیمس لە ئەگەری چوونی بۆ یانەی هیبی ساڵانە سی ملیۆن یۆرۆ دەبێت، ئەمەش زۆر زیاترە لەوەی خۆی لە ریزی شاهانەكان هەیەتی.