ئەم هەواڵە بڵاوبكەوە
FaceBook  Twitter  

دوو هاوڕێی ئافرەتمان (سەفیەی حسەین نانەوا ، عەتیە خان عەبدولڕەحمان ) لە ناوبازاڕی ‌هەڵەبجە ، پێان ڕاگەیاندم ‌هاوڕێ جەمال ( حەمە ئەمین پێنجوینی بووبووە سکرتێری ناو شاری هەڵەبجە ) کە چومە لای لەماڵی عەتیەخان ،لە گەڕەکی جولەکان پێیڕاگەیاندم:مامۆستا حەمەئەمین حەسەن هاتووە بەم ناو نیشانەیە، (هاتووم بۆ وەرگرتنی دیاریەکە ؟ ) بڕۆ وەری بگرەو دووسبەی سەعات دەی سەرلەبەیانی لەگەڵ خۆت بیهێنە بۆ کۆبوونەوە . 

لەڕاستیدا زۆرم لازەحمەت بوو، بەتایبەتی بۆ منێک کە لە خانەی مامۆستایان قوتابی ئەو بووم و کەسایەتیەکی زۆر بەڕێزو پایەداربووم، 

هەر ئەوڕۆژە بەدیداری شادبووم بەناونیشانەکە گەشتینە یەک لەو ئانو ساتەوە کە بە بزەی سەرلێوانیەوە پێی ووتم زۆرباشە (ئازاد گیان ) .. لەو ساتەوە بەدرێژایی ژیانی هەروای پێئەووتم ...

بەیەکەوە چووینە شوێنی کۆبوونەوەکە ، هەر لە هەمان گەڕەکی جولەکان بەوبەر ماڵی کاک فەتاح هاوسەری عەتیەخان بەرەو خوارەوە بەنزیکەیی چەند مەترێک لەپەناو پێچی کۆڵانەکەدا خۆمانکرد بەژوورێکی درێژدا ، لەوەتی دروستکرابوو هەتاو و ڕوناکی لێێینەدابوو، لەبەر چرایەکی فانۆس 

کۆی هاوڕێیان حەوت کەسبوین، هاوڕێ ناێب عەبدوڵاش وەکو (مشرف ) هاتبوو کە بەرپرسی قەزای هەڵەبجە بوو ..کۆبوونەوەکە بە بەخێرهاتنی هاوڕێ حەمە ئەمین دەستی پێکرد ..بە باسکردنی باری سیاسی و 

لەبەشداری هاوری حەمە ئەمیندا لەسەر مانشێتی ڕۆژنامەی (اتحاد الشعب ) دووا کەلەسەر مافی گەلی کورد و مافی چارەنوس بوو .. ووتی پێویستە حزب داواکەی بۆ لەمەودووا لەو زیاتر بێت .(لامەرکەزی ) چونکە ئەو حکومەتە بە ئاسانی دەتووانێت چیبەجێی بکات .. ئێمەش وەک بەر‌ەڵستکار ئیحراج دەبین ..؟؟ هاوڕێ نائب بەگورچی ووتی، بەهاوڕێی کۆنوس نوس 

تکایە زۆر بە ووردی و چوانی ووتەکانی هاوڕێ بنوسە .. ڕوویکردە هاوری کە سەرلەنوێ پێشنیارەکەی بڵێتەوە بە ڕوونی مەبەستەکەی بخات سەر کۆنوس .. ؟؟! 

لەوەڵامی پرسیارێکی هاوڕێیەکماندا کەچۆن و بۆچی هاورێ هاتۆتە هەڵەبجە ووتی: گواستراوەتەوە بۆ خوارەوەی عیراق لەوێ ئەمری گرتنی بۆ دەرچووە، بەهەر حاڵێک بووە لەڕێگەی خانەقینەوە بەپێ گەشتومەتەوە هاتوومەتە ئێرە، چونکە خزمانی کاکەیی لێیە تا بزانین چۆن ئەبێت.

کٶبوونەکە دوو سەعاتێکی خایاند ،هەرچەندە شوێنەکە ناتەندروست بوو بەتایبەتی لەسەر بەڕەیەکی دڕاو بە چوار مەشقی دانیشتبووین .. سەڕای ئەوەش کچی بەرادەیەک زۆر بوو لەناو کٶشماندا هەڵبەزو دابەزی دەکرد..

لە هاتنە دەرەوەماندا ویستم دڵنەوای بکەم ..؟ ووتی ئازاد گیان چاوەڕێی ئەوەش بکە ئەم شوێنەشمان جارێکی تر دەست نا کەوێتەوە .....!!!