ئەم هەواڵە بڵاوبكەوە
FaceBook  Twitter  

 

 

بە بۆنەی رۆژی نارەزایەتی جهانی ژنانەوە

بۆ پرسی ژن پرسی سۆسیالیزمە...؟!

 

هەشتی مارس رۆژی جیهانی ژنانە ،رۆژی دەربڕینی ناڕەزایەتی هەمو مرۆڤێکی ئازادیخوازو یەکسانیخوازانە دژ بە ستەمو چەوسانەوە لەسەر ژنان.

بەو پێیەی چەوسانەوەی ژنان لە دابەشبونی کۆمەڵگا بۆ چینە کۆمەڵایەتی یەکان و ستەمکارو ستەملێکرا لەسەر بنەمای موڵکداری تایبەتی سەرچاوەری گرتوە بۆیە تا ئەو جێگایەی موڵکداری تایبەتی و ئەو سیستەمە چینایەتی یەش بمێنێت کە چینی دەسەڵاتدار دەیپارێزێت چەوسانەوەو ستەمی هەمە لایەنەش لەسەر ژنانش هەر دەمێنێت.

هەر لەم ڕوانگەو بەرژەوەندنی یە چینایەتییەوەش بزوتنەوەی یەکسانیخوازی ژنان وەک بەشێک لە بزوتنەوەی کرێکاری کۆمۆنیستی لە نیوەی دەیەکانی سەدەی نوزدەوە سەری هەڵداوە کە بە ناڕەزایەتی ژنانی کرێکاری ڕستن و چینین لە ئەمریکا لە ساڵی ١٨٥٧ لە نیویورک دەستی پێکرد تا بەمرۆ گەییشتوە..

هەر بۆیە ئێمە کۆمۆنیستەکان هەمیشە جەخت دەکەینەوە کە بزونتەوەی یەکسانیخوازی ژنان و ٨ مارس وەک سمبولی جیهانی ئەمرۆ پەیوەستە بە بزوتنەوەی کرێکاری کۆمۆنیستی یەوەو لێی جیا ناکرێتەوە.وە کۆتایی هاتنی یەکجاری ستەم لەسەر ژنانیش لەگەڵ کۆتایی هاتنی ستەم لەسەر چینی کریکار و بەدی هێنانی ئازادی و یەکسانی هەمەلایەنەی ئابوری و کۆمەڵایەتی تەواو بەدی دێت.

وە بە تاقی کردنەوەیش دەرکەوت کە کاتێک ئەم یەکسانی یە بەدیهات کە شۆڕشی کرێکاریی سۆسیالسیتی ئۆکتۆبەر سەرکەوتو و بە کردەوە مافی یەکسانی ژن و پیاو بەدی هات.

هەر لە مافە سیاسی و فەردی یە یەکسانەکان تا کرێی یەکسان و یەکسانی تەواو لەهەمو بواریکی ئابوری و کۆمەڵایەتی و...هتد

بێگومان ڕەوتە جۆراجۆرە فیمینیستی یە لیبرالو سۆسیال دیموکراسی و قەومی و ئیسلامی یەکان دەیانەوێت مێژویی سەرهەڵدان و دەستکەوتەکانی بزوتنەوەی یەکسانیخوازی و سۆسیالسیتی ژنان نوکولی لێ بکەن یان بیشێوێنن. لە جیاتی ڕۆژی ناڕەزایەتی بە دژی ستەمی هەمەلایەنەی ژنان دەیانەوێت بیگۆڕن بە ڕۆژێکی گاڵتەجاڕی .ژنانێکی ناو حزبو دەسەڵاتەکەیان کۆدەکەنەوەو پاداشتیان دەدەنێ بەناوی ژنی ئازای ساڵ و یانی سەرکەوتی فڵانو فیسار بزنس و بارزگانی وە بە رواڵەت لە باشترین بارد نازناوو وەسفی شەرەفی نەتەوەوگەلو نیشتیمانیان پێ دەبەخشن کە هەموی بۆ کەمکردنەوەو سوکایەتی پیکردنی ئینسانی یەتی ژنانەو بەس.هیج جیاوازی یەکە نی یە لە نیوان ئەو روانگەو کەلتورەی کە پیی وایە ژن شەرەفی پیاو، بنەماڵەیە،خێڵە یان نەتەوەو گەلو نیشتیمانە.چونکە پرسەکە هێنانە خوارەوە بەهای ئینسانی ژنانە بۆ ئەم دیاردە کۆمەڵایەتی و سیاسیانە.

دەوڵەتانی دیموکراسی بۆرژوازی لە ووڵاتانی ڕۆژئاوا گەر وا نیشان دەدەن کە یەکسانی ژن و پیاویان دابین کردوە ئەوە گەر تەنها چاو لە داخوازی یەکانی ژنان بکەین لەمڕۆژەدا کە داوای کرێی یەکسانی بۆ کاری یەکسسان دەکەن بەسە بۆ ئەوەی کە یەکسانی هەمەلایەنە نی یە.تەنانەت ئەم دەسکەوتانەی ئەمڕۆ لە ووڵاتانی ڕۆأ ئاوا کە ژنان بەدەستیان هێناوە ئەنجامی نارڕەزایەتی و ڕاپەڕین و شۆڕشەکانە ،بە تایبەتی وەک ووتمان ،شۆڕشی ئۆکتۆبەری ساڵی ١٩١٧ کە بۆ یەکەمین جار ٨ مارسی بە ڕەسمی ناسی لە سالی ١٩٢١دا. هاوکات لە دەستوردا مافی یەکسانی تەواوی ژنو پیاوی بە ڕەسمی ناساندو چەندین یاساو بڕیاریان دەرکردو بە کردەوە پیادەیان کرد.

هەر لەم گۆشە نیگایەوە یە کە ٨ مارس بۆ ئێمە کۆمۆنیستەکان و هەمو کەسێکی یەکسسانیخواز ئەم ڕۆژە ڕۆژی ناڕەزایەتی جیهانی یە بەڕوی هەمو ستەمو چەوسانەوەو توندو تیژیەی لەسەر ژنانە بە ئاسۆ و ئامانجێکی سۆسیالیستی یانە.

جا گەر حزبو لایەنە بۆرژوازی و کۆڕو کۆمەڵەو ڕێکخراوە مەدەنی یەکانیان بە دەسەڵاتدارو موعارەزەوە دەیانەوێت ئەم ڕۆژە بچوک بکەنەوە بۆ ڕۆژی خوشکو دایکو و ژنی نمونەیی و ئازاو خزمەتگوزارو شەرەفی پیاو نیشتیمانو نەتەوەو..هتد پاداشتیان بدەنێ و بە شانۆ باهویان هەدەڵن، بە بروای ئێمە ئەوە ئەوپەڕی بچوککردنەوەی ئەم ڕۆژەیەو هاوکات بۆ داپۆشینی ناوەڕۆکی دەسەڵاتی دژە ژنی یانە. 

بۆیە لەم ڕوانگەیەوە هیچ ڕێکخراوەو بزوتنەوەیەکی ژنان بە بێ ئاسۆو ئامانجێکی سۆسیالیستی ناتوانێت ببیتە مایەی دەستەبەر کردنی مافی یەکسانی هەمەلایەنەی ژن و پیاو هەرچەند بە ڕواڵەت کار بکات بۆ ئەو مافانە.

لە کۆتاییدا ئەوە جەخت لیبکەمەوە ئەگەر هەر کەسێک لەم گوشەو روانگە چینایەتیەوە بۆ پرسی ژن بروانێت بۆی ڕوون دەبیتەوە کە بەڵێ پرسی ژن پرسی سۆسیالیزمە.

شکۆدار بێت ٨ مارس ڕۆژی ناڕەزایەتی جیهانی ژنان

 

  • 1