ئەم هەواڵە بڵاوبكەوە
FaceBook  Twitter  

سەری مانگ هات وگەیشتمە ماڵەوە منداڵە بچوكەكەم بەخۆیی ودەخیلەكەی دەستی هاتە پێشوازیم وبەخێر هاتنەوەی لێكردم دەخیلەكەی خستە پێشم وگوتی تێبكە، ئەو دەزانی ئەمرۆ سەری مانگەو وادەی وەرگرتنی مووچەیە و نازانێت حكومەتیش ماوەی (46) رۆژە موچەی نەداوەو ناچارم منیش هاوشێوەی حكومەت پاشەكەوتی رۆژانە بۆ منداڵەكەم جێبەجێبكەم، هێشتا لەخەمی رەوانەوەی منداڵەكەمان بووم چۆن حاڵی بكەم حكومەت مووچەی دابەشنەكردووە، خەمی كورە ناوەندیەكەم دایگرتم كە ماوەی 3 رۆژە ناومان لە نۆرینگەكەی دكتۆری نوسیوە و چاوەڕوانی ئەو چارەگە موچەیە دەكەین تا بیبەم عیادەیەكی دكتۆر بكەین ورۆژ بە رۆژ نەخۆشیەكەی تینی بۆ دێنێت وهێز لە لەشی نامێنێت و بەرگەی نەخۆشیەكەی ناگرێت، سەرم هەڵبری گەورەكەیان بە دەم وچاوێكی خەمباری بەسەرسەرم وەستابوو، لە چاوەروانی ئەوە دابوو كە كرێی هاتوچۆی تەكسیەكەی پێبدەم كە هاتوچۆی كۆلێژی پێدەكات، خەمی ئەویش بارتاقای دووانەكەی تر گەورەبوو، چونكە ئەو گەنجە و تازە چویتە كۆلێژ و بە ئومێدو بە گیرفانێكی بەتاڵەوە دەخوێنێت، كە سەیرم كرد گووتی باوكە شوفێری تەكسیەكە بەپەلەی ناكات گووتی كەی باوكتان مووچەی وەرگرت پارەكەم بدەنێ من دەمزانی ئەو دەیەوێت بە درۆیەكی سپی كەمێك لە خەمەكانم كەمبكات، ناچار گووتم ماڵی ئاوا بێت، خەریكی نانخواردن بووین مارشی خاوە وەتەن ئاوا كەی لێیدا هاوسەرەكەم گووتی پیاوەكە هەردوو غازەكەشمان بەتاڵ بووە ئەمرۆ دوا ژەمی خواردنم پێ حازركرد، بەنیازبووم ئەمرۆ پریان بكەمەوە،بەڵام شكور ئەوە تۆش نەمرۆش معاشت وەرنەگرت، هەناسەیەكی ساردم هەڵكێشاو سەرم بەرزكردەوە و منداڵەكان تێگەیشتن هاوارم بۆ خوابردوو و كە ئەم حاڵەی من وهەزارانی هاوشێوەی من لەو كاربەدەستانە قەبوڵ نەكات، كە گوزەرانی ئەو خەڵكەیان بەمرۆژە گەیاند، كەوچێك چێشتم بۆ ناودەمم برد لە پر كەسێك زۆر بەكۆڵەوە لەدەرگایدا و كورە گەورەكەم دەرگاكەی كردەوە سەیر دەكەم كابرای مولیدەچیە داوای پارەی كارەبای مولیدە دەكات، كورە گەورەكەم گەنجەو هێشتا رووبەری ئەم ژیانە سەختانە نەبۆتەوە و حەپەساو گەرایەوە حەوشەكەو هاواری منی كرد، بیرم لەوە كردەوە لە فەتحوڵای برام لەخوای بەزیاد بێت گوزەرانی باشەو كاری بازرگانی دەكات برە پارەیەك بەقەرز وەربگرم، تا مووچەكە دێت وئیدارەی ماڵەكەی پێبكەم خەریك بوو جەرەسی مۆبایلەكە بروات تەلەفۆنێك لەگەڵ زەنگی تەلەفۆنەكەی من دایان بەیەكدا و كارەبای ساحێب خانوو بوو پاش چاك وچۆنی گووتی كاكە چالاك گیان دەڵی ئەو مانگە بەنیازیت كرێكەمان بۆ پاشەكەوت بكەیت، بۆ چەند رۆژێكی تر رازیم كرد و تەلەفۆنكەم بۆ فەتحوڵا لێدایەوە كە داوای برە پارەیەكی لێبكەم تا پاشكەوتی ئیجباری مووچەكە دێت، سەرتان نەیەشێنم فەتحوڵاش هاوشێوەی حكومەت بێئومێدی كردم وهەزارویەك شێر و رێوی بۆهێنام ولەوقسانەبووین مۆبایلە سەندان كوشتیەكەشم وەحدەی تیا نەماو ئەویش وەك پیاوان تەلەفۆنی بۆ نەكردمەوە، شەو هات ونووستم بەدەم ئەوخەیاڵانە خەوبردیمیەوە لەخەوەكەمدا مردم، بەسەرشانی خێرخوازان بووم بۆ قەبرستان گوێم لێبوو فەتحوڵا گووتی بەخوای مرد ئیسراحەتی كرد، مردن زۆر باشترە بۆ ئەو ژیانە مەمرەو مەژیە بۆ مووچە خۆران.

  • 1