ئەم هەواڵە بڵاوبكەوە
FaceBook  Twitter  

خوشكە گەورەكەم قەیرەیە و پارەیەكی باشی كۆكردبۆوە، كە قەیرانە دروستكراوەكە شاڵاوی هێناوچۆكی بەگەورەو بچوك بەعەرزدا،دواجار وردە وردە قەیران گەیشتە ناو خێزانەكەی ئێمەش، فەتحوڵای برام بەدەست كەلەكەبونی قەرزەكانی تووشی بارێكی دەروونی ناخۆشبووە، بەجۆرێك كە ناتوانێت لە بەر قەرزداری بچێتە دەرەوە، ئێمە لە ناوخۆمان ئێواران كۆ دەبوینەوە و سەرمان دەهێناو دەبرد وەك حكومەتەكەی خۆمان بەبێ پلان وبەرنامە بەدەوری كۆدەبوینەوە و دەمانهێنا و دەمانبرد حەلێكی تارادەیەك معقولمان شك نەدەبرد تا فەتحوڵا لەو قەرزاریە دەرباز بكەین، سەیرەكەی لەوەدابوو سەرمان لەو هەموو قەرزەی فەتحوڵا دەرنەدەكرد و نەماندەزانی بۆچی قەرزكردوە و پارەكەی چی لێكردووە، دواجار فەتحوڵا بەنەرمە شەرمێك وئارەقكردنەوە رووی كردە ئێمە و گووتی، كاكە قسە هەزارە و دووی بەكارە باشترە، قەدەمخێری خوشكم ئەگەر لەخەمی برای ئێواران دێتە ئێرە و بەدەم سەر و سیماغەمباریەكەی منەوە دادەنیشێت و خەمم بۆ دەخوات و، هەنسك وقوڵپی گریان هەڵدەمژێت باشتر نییە دەست لە روحی خۆی بنێت ودوو دینارانم بەقەرز بداتێ خودا لێی بەزیاد بكات، ئەوەی بزانم برە پارەكەی زۆری هەیەو دەتوانی هەندێك لەو بارگرانییەی سەر شانی برای كەمبكاتەوە، ئێ خۆ دونیا هەروانابێت رۆژێك وەزعەكە بەبارێكی تر گۆرا لەسەردەستی ئێوە بێ سەرئێشە پارەكەی دەدەمەو ئێ خۆ بەتەمانیم پارەی قەدەمخێری خوشكم بخۆم، كەسەرم هەڵبری تێكرای براكانم حەپەسان و بێدەنگیەك باڵی بەسەر هۆڵەكەدا هێنا وەك بڵێی كەسی تیا نییە و هەموو لە چاوەروانی قەدەمخێر بوون بزانن چ شەكرێك دەشكێنێت، من هاتمە قسەو گۆتم ئەدی خۆشك وبرا رۆژەكی ئەوها بەكەڵكی یەكتر نەین كەی بەكەڵكی یەكتر دێن قەدەم خێری خوشكمان رەنگێكی هێناویەكێكی بردوهەناسەیەكی قوڵی هەڵكێشاو گووتی، من ئەو پارانەم بە ئارەقی نێو چەوانم كۆكردیتەوە و بەنیازبووم لۆخۆم پێ بچمە حەجێ، بەس وا لەسەر دەستی ئێوە دەیدەمێ بەس نامەوێ لەوسەری ببێتە ناخۆشیمان وبەینی خوشك وبرایەتیمان تێك بچێت، رۆژ هات وچۆ بەینی فەتحوڵا و قەدەمخێری وردە ووردە وەك نێوانی هەردوو حكومەتی هەرێم و ناوەند بەرەوخراپی رۆیشت وهەردوو لاش خۆیان بە حەق دەزانی تا كارگەیشتە ئەوەی هەردوو لاسەفارەتیان كێشایەوە و ئیتر ما لەو نێوانە هەموو رۆژێ هەریەكێك لە ئێمە مانان هاوشێوەی شاندەكانی نێوان ناوەند وهەرێم هات وچونمانە لە نێوان ماڵی فەتحوڵای برامان و قەدەمخێری خوشكمان وبە بێ ئەوەی هیچ حەلێكی پۆزەتیفمان بۆیان هەبێت وئیتر قەیرانی حكومەت نێوانی سی وپێنج ساڵەی خوشك وبرایەتی نێوان فەتحوڵا و قەدەمخێری لەناوبرد.

  • 1