ئەم هەواڵە بڵاوبكەوە
FaceBook  Twitter  

 

(بنووسە وەک ئەوەی کە هەیت ،وەک ئەوەی کە قەڵەمەکەت  ئەمرت پێدەکات ، نەک وەک ئەوانەی وەک لێبوکێک ؛سەمات پێدەکەن)

  دەکرێ لەم دۆزەخی هەڵبژاردنەدا ؛کە حیزب و حیزب بازەکان وەک قارچکی ژەهراوی لە شەقام و کۆڵان و شاشەکان هەڵتۆقیون و بۆ بەرژەوەنی خۆیا خوا دەکەن بە ئەهریمەن و ئەهریمەنیش دەکەن بەخوا و بە زمانێکی زبرو جنێودان کە سەرسەریەکانی ساڵانی حەفتای بەر دەرکی سینەما سیروانمان بیر دەخەنەوە ؛ ئێمە بە ڕاگوزەریش بێ کقسەیەک لە هونەرو روناکبیری سلئمانی و هەولئر بکەین ؛چونکە ئەوەی بونی نیە لەم بازارە گەرمەی جامبازەکانی سیاسەت ؛ بەها روحیەکانی ئینسانی کوردە

بەهای ئەدەب و روناکبیری کوردی لەو بانگەشە دۆزەخیەدا هەر بیریشی لێناکرێتەوە ؛بەلای ئەو حزبە کودیانەوە ؛کە بۆ فەوزاو لەناو بردنی جەستەی هزری کوردی دروست بوون ؛ بانگەشەی هەلبژاردن یەکسانە ؛ بە هەڵبژاردنیمەرگی هزری کوردی و تاکی کوردیان خستۆتە ناو بازنەی ئیستیهلاکێکی موتڵەقەوە؛دیمەنی هەڵەشەکارانەی ؛ بژی و بمرێ زۆر جوانترە لە دیمەنی پێشانگایەکی هونەری کەڤاڵەکان شەڕە جنێوو یەکتر سوککردنی بەها ئەخلاقیەکان زۆر بە شەوق و خرۆشترە لەکۆرێکی شیعرو موزیک

دەبێ ئێستا قسە لەسەر ئەوە بکرێ کە بۆچی زڕە نوسەرو ئەو بەناو چالاکوان وبەناو رەناکبیرە نەخوێندەوارانەی خۆیان بە سێبەری حزبەوە بەستۆتەوە ؛باس لەوە دەکەن نوسەرو ئەدیب ی کورد لە هەولێرو سلێمانی ناچنە ناو بازنە ژەهراویەکانی جنێو فرۆشان و دەڵالا زەلیلەکانی سیاسەتەو زۆر جارێش یەکیەتی نوسەرانی کورد بەوە تاوانبار دەکەن کە بێهەڵوێستن بەرامبەر ئەو وەزعە کە مەبەستیانە لەگەڵ هزری موراهیقانەو نەخوێندەواری ئەوا ن سەرچۆپی کاولکاری وڵات سازدەن ؛

چونکە نوسەرانی کورد ؛چونکە نوسەرانی کورد وەک ئەو کە بۆ مەنسەب و ئەندام پەرلەمانێتی هەمۆ تەنازول و ملکەچیەک قبوڵ دەکا ئامادەنیە

سیاسەتی ئەمرۆی کوردت مرۆڤی بۆ شەرە جنێوو بانگەشەی خۆی دەوێ ؛ سیاسەتی کوردی بە هەمو چەشن و ڕێبازەکانیەوە دەیەوێ چۆن ئەندامێکێ گوێ ڕایەڵیەتی ئەندامێکی یەکیەتی نوسەرانێش بە هەمان ئاواز بۆی بخوێنێ

ئەو حیزبۆکانە دوای ئەوەی نا ئومێد بون لە بەلاڕیدابردنی نوسەرانی کورد ؛کەوتنە دروست کردنی تەشکیلەیەکی تر ؛تەشکیلەیەک کە هەر لەسەرەتاوا گومان لەسەر جموجولەکانی دروست بوو تەشکیلەی چالاکوانی مەدەنی ؛هەر کاتێ ئیشیان پێیان بوبێت وەک بڵند گۆیەک بەکاریان هێنان و کەی ئیشیشیان پێیان نەمابێ مورەخەسیان کردون.

ئیشکالیەتی ڕەوشی ڕوناکبیری ئەگەر هەبێت لەم دوو شارە کەمەو لەوەوە خۆی نیشاندەدات ؛ ئەو ئاراستە ناڕاستەیە کە جۆرێک لە بەئینتیهازی کردنی روناکبیری لە ناو ئەم ژینگە ڕۆشنبیریە بەرهەم هێناوە؛

لە هەولێر گرفتێکەو لە سلێمانی گرفتێکی تر ؛

لە هەولێر هەندێ خۆ بە ڕوناکبیرزان ؛ کە لە کارگەکانی ؛ ڕاگەیاندنی حیزبیدا ؛ هەڵتۆقیون و ؛خاوەن روناکبیریرکی سادەو ساکارو روکەشن کە هەر لەتوێژاڵی رۆشنبیری دەچێ و ؛ هەر بۆ کارێکی ڕۆژانەی دروست کردنی هەواڵ و راپۆرتی رۆژنامەوانی و ؛ریپۆرتاژی گرفتە کۆمەڵایەتیکانی خەڵکی فریایان دەکەوێت و هەرگیز نایانکاتە روناکبیرێکی جدی ؛ کە هەناسەیەکی فیکری بخەنە ناو ئەم رەوتە وە ؛ زۆر جاریش ئەوانە لە پەنای حەجەکەوە بە خشکەیی خۆیان دەخزێننە ناو نوسینەوە ؛ هەر زوش خۆیان لێدەگۆڕێ و ؛ سواری ئەسپێک دەبن و ؛دۆن کیشۆتانە ڕمبازی دەکەن و شمشێرەکولەکەیان بەملاو لای خۆیانا بادەدەن ؛ بێ خەبەر لەوەی ؛ کە ئەوەی سواری بوون ئەسپ نیەو تەختە دارینەیە ؛ ئەوا نازانن ؛ سوار چاکی رەوشی روناکبیری پێویستی بە قەڵەمێکی بە نڕشت هەیە نەک شمشێرێکی دۆن کیشۆتانە ؛چەنکە ئەم بە ناو روناکبیرانە لەمناڵدانی ڕۆژنامەگەری حیزبیدا سەریان هەڵداوە نەک لەناو گەرم و گوڕی روناکبیری و کتێبدا و زیاتر لە کادیری حیزب دەچن تا عەودالی روناکبیری و کاری ڕۆژنامەگەری وەک پیشە

 گرفتی ئەو ڕەوشەش روناکبیرو قەڵەمە جدیەکان ی هەولێر دەیدەن

 لە سلێمانی کێشەی جوڵەی ڕوناکبیری شێوازێکی تری وەرگرتوەو بە ئاراستەیەکی تردا خۆی نمایش دەکات ؛ئەگەر گرفتەکەی هەولێر کۆمێدی بێ 'ئەوا بێگومان ئەوەی سلێمانی تراژیدیە بەتایبەتی کەماوەیەکە گرفتەکە خەستتر بوە و بەداخەوە هەندێ دەست کە خەڵکی روناکبیرن و دیسانەوە بەداخەوە روناکبیری جدیشن ئەوانە کە لە پەنجەی دەستێک تێناپەرن سیما جوانەکانی ئولفەت و رێسا باوەکانی دیالۆگیان خستۆتە ناو تونێڵیکەوە کە خۆشیان نازانن چۆن و کەی لێی دەردەچن ئەوان لە روناکبیریەکی جدیەوە دەستیان پێکردوەو بە کۆمیدیایەکی گاڵتە جارانەش کۆتایی بە ئەرکی روناکبیری خۆیان دێنن و بەمەش ئەرکێکی تر رادەپەرێنن ؛کە زیاتر ئرکی کادیرێکی گوێ رایەڵی حیزبە لە جیاتی کادێرێکی لایەنی سیاسی ئەم شارەو شار دەکەن کۆڕو سیمینار سازدەدەن رتکلام بۆ لایەنێک دەکەن و جنێو بەلایەنی تر دەدەن هەندێ لایەن دەکەن بە ئەهریمەن و هەندێ لایەن دەکەن بە فریادرەس

بەمەش ئەرکی میانگیری و بەهای روناکبیری خۆیان لەدەست داوەو سەلامەتی کۆمەڵایەتیان بە ئاقارێکی خراپ و،شیرازەی ژیانی کۆمڵگاشیان بەلارێدابردووە، بەڵام لەگەڵ هەموو ئەو دەرگا داخراوانەشدا دەرگایەکی پڕ لەئومێد هەمێشە بەکراویی کراوەتەوەو ئەوە نوسەرە جدی و پەیامبەرە دلسۆزو بەهرەوەرەکانی هەولێرو سلێمانین کە بەردەوام شێلگیرانەو بە هەماهەنگیەوە پەیوەندی لەمێژینەیان پاراستوەو بە ئومێدیشەوە بە دیار داگیرسانی چراکانەوە ئەم شەوە دەیجورەی کە خەریکە گۆرەوشارمان دا؛ دەرەوێننەوەو دنیایەکی ترمان نیشاندەدەن کە پرە لە نان و شنەباکانی ئازادی.

  • 1