ئەم هەواڵە بڵاوبكەوە
FaceBook  Twitter  

لەشاری قەڵاو منارە گۆڕەپانێك هەبوو كە دەكوتە سەنتەری شار لە بەینی باتاو شێخی چۆلی و تەعجیل، روبەرەكەی تەنها 500 مەتر دووجا دەبوو، ئەم گۆڕەپانە مێژوویەكی پڕ لەیادگاری و جوانی هەبوو بۆ هەولێریان، پاش شۆڕشی 1958 بزووتنەوەیەكی دیموكراسی و ئازادی و ئاشتی لە شارەكەمان و عیراق و جیهان بەرپابوو، هەر لەو زەمانەش بوو رێكخراوێكی جیهانی درووست بوو بەناوی( ئەنجومەنی ئاشتی جیهانی) عیراقیش وەك دەوڵەت بووە ئەندامی ئەم رێكخراوە، هەر بەم بۆنەشەوە هەولێریەكان لەم گۆڕەپانە گردبوونەوەیەكیان بۆ پشگیری رێكخست و دواتر هونەرمەندان پەیكەری كۆتری ئاشتیان لەم شوێنە داناو ئیدی لەو كاتەوە ئەم گۆڕەپانە ناوی نرا گۆڕپانی( كۆتری ئاشتی) .

ئێستا بەحەزو ویستی ئاشتی نەویستان ئەو گۆڕەپانەیان تێكداو كردوویانەتە ئاودەستخانە، بۆیە ئەمن پێموایە ئەوانەی دیزاینی ئەم كارەیان كردووە دژە ئاشتین دژە جوانی شارو مێژووی پڕتێكۆشانی ئاشتی ویستانن، بەباشی دەزانم خەڵكی هەولێرێ‌ لەسەر ئەم رەفتارەی پارێزگاری هەولێر بێنە دەنگو نەهێلن جوانی سەنتەری شارەكەمان بكرێتە ئاودەستخانە. 

  • 1