ئەم هەواڵە بڵاوبكەوە
FaceBook  Twitter  

ئێزیدییەكانی شەنگال و سنونی و ئەو ناوچانە سنووری هاوبەشیان لەگەڵ هۆزی شەممەری عەرەبی هەیە.لەنێوان ئەواندا سەرباری ئەوەی كە دراوسێی یەكدین و رژێمە جیاجیاكانی عێراق هەوڵی داوە گرفت لەنێوان هەردوولا دروستبكەن.بەم دواییانەش تیرۆریستانی داعش هەمان سیاسەتی بەكارهێنا بۆ نانەوەی ئاژاوە لەنێوان ئێزیدی و شەممەرەكان.

لەو چوارچێوەیەشدا كەم نین ئەو عارەبانەی ئەو ناوچانەی كە پەیوەندییان بەداعشەوە كرد تۆمەتبارن بە كەیسی رفاندنی ئێزیدییەكان ،هەرچەندێك لەولاشەوە بەشێكی دیكەی عەرەبەكانی ناوچەكە رۆڵیان هەبووە لە پاراستنی بەشێك لە قوربانیانی ئێزیدی لەناوچەكە.

بەگشتی سەرۆك هۆزەكانی شەممەر خۆیان بە دۆستی كورد و ئێزیدییەكان دەزانن، لەو چوارچێوەشدا لێژنەی ئاشتبوونەوەی نیشتمانی عێراقی و رێكخراوەكانی كۆمەڵگای مەدەنی كاربۆ ئەوە دەكەن كە خەڵكی ئەو ناوچانە لێك نزیك بكەنەوە.بەڵام لەچەند رۆژی رابردوودا 2 كەسی عەشیرەتی شەممەر كە یەكێكیان ئەندامی كارگێڕی ناحیەی بیعاجە تیرۆركرا لەو ناوچەیە ،وەك هەوڵێك بۆ تێكدانی پەیوەندی نێوان هەردوو لا،چونكە هەندێك ئاماژەیان بەجێهێڵابوو بۆ تۆمەتباركردنی ئێزیدییەكان لەو كەیسەدا.

لەبەرامبەردا گەوەر سەرۆك عەشیرەتی شەممەر لە راگەیەندراوێكدا حەشدی شەعبی ئێزیدی بەو كوشتنە تۆمەتباركردووە.هەرچەندە ئێزیدییەكان ئەو تۆمەتەیان رەتكردۆتەوەو دەڵێن ئەو ناوچەیە لەرووی ئەمنییەوە پارێزراو نیە و تیرۆریستانی داعش تەراتێنی تێدا دەكەن.داواشیان لە سەرۆك عەشیرەتەكەی شەممەر كردووە كە لەو راگەیەندراوە پەشیمان ببێتەوە و نەبێتە هوچكارێك بۆ زیاتر ئاڵۆزبوونی پەیوەندییەكانی نێوان هەردوولا لەناوچەكەدا كە خزمەتی هیچ لایەكیان ناكات.

  • 1