ئەمە بڵاوبكەوە
FaceBook  Twitter  

ئەڤ ناوچا دبێژنێ‌ دوو رویبار ئێكەم ناوچە بوویە كو ژن خوداوەندیێ‌ لێ‌ بكەتن و هەردیسان ئێكەم ناوچە بوویە ژن لێ‌ هاتیە كوشتن .شارستانیەتێ‌ سەلماندیە كو ژیان ب دەست و باسكێن ژن و زەلامان پێكڤە گەهشتیە ڤی سەردەمێ‌ ئەم تێدا دژین , لێ‌ ب مخابنی ڤە پارچەكرنا كورددستانێ‌ بسەر چوار وەلاتێن جودا جودا دا و چوار كەلتورێن بیانی و بوگەن , بویە ئەگەر كو هەر پارچەكا كوردستانێ‌ لگورەی ئایدولوجیا رێڤەبرنا سیستەمێ‌ سیاسی رەفتارێ‌ دگەل ژنان بكەن و جیاوازیا رەوشا ژنا ل باشوور و باكوور گروڤەیە بو ڤێ‌ چەندێ‌ , دێ‌ بینی ل روژئاڤا ژن یا سەركردایەتیا ئوپەراسیونێن دژی داگیركارا دكەتن و لباشوور ژن سەركردایەتیا سەنتەرێن جوانكاریێ‌ دكەتن . چەند ژنەك شیاینە بگەهنە دەستەلاتی دناڤا حكومەتا باشور دا لێ‌ مخابن كو نە شیاینە هەتا رادەكێ‌ خوە ل كەیسا ژنان بكەنە خودان و زور جارا دەنگ ددەنە هندەك پروژا كو ببنە بریار دبنەرەتدا نە د بەرژەوەندیا وێ‌ بخوە دایە بو نموونە فرەژنی .

ل هەرێما باشوور ڤالاتیەكا مەزن كەفتیە د كومەلگەهی دا و بەرەڤ پەرتەوازیێ‌ دچیت د نەبوونێ‌ پەروەردا دایكێ‌ و ئەقلێ‌ ژنێ‌ د رێڤەبرنا وەلاتی دا . ب مخابنیڤە لڤان سالێن دوماهیێ‌ و بەربەلاڤبوونا هویێن گەهاندنێ‌ بوینە ئەگەرێ‌ بلندیا رێژا توندوتیژیا دژی ژنێ‌ ئەڤە ژی ئ ئەگەرێ‌ نەیەكسانیا پێشكەڤتنا كومەلایەتی دگەل پێشكەڤتنا تەكنەلوجیایێ‌. هەروەسا ب پلانەكا بەرنامە بو دانایی ل گەلەك كەنالان خەلك مژیلی هندەك درامایێن بیانی یێن دوبلاژكریە كو د بنەرەتدا دویری داب و نەریتێن مە یێن كومەلایەتیە . دبنە ئەگەرێ‌ ژێكڤەبوونا خێزانێ‌ . ئەڤ رەوشە یا كارلسەركریە و حوكمێ‌ بسەرچوویێ‌ ئەڤ چەندە یا ڤیای و یێت گەهشتینە ئارمانجا خوە دا كەلەگا مەزنتر بن و كویلە ژی هەر بمینن كویلە و سێهوانەكێ‌ هەلدەن دەما بەحسا ئازادیا تاكی دهێتە كرن . ئایین كو پێكهاتیە ژ چەند تشتێن بەرجستە و نە بەرجستە هوكارەكێ‌ مەزن بویە بو ترساندنا ژنێ‌ داكو قەبوولبكەت هەڤژینێ‌ وێ‌ چەند هەڤژینێن دی لسەر بینیت و ئەڤ چەندە یا رەوایە چونكە د ئایەتێن ئەسمانی دا یا هاتی . زور جارا دادگەهێ‌ ژی رولەكێ‌ خراب گێرایە و نەشیایە ب داد سەرەدەریێ‌ دگەل ڤێ‌ كەیسێ‌ بكەتن و زور تاوانبار دپاراستینە و دادگەهێ‌ مافێ‌ لێپرسینێ‌ لڤێ‌ كەیسێ‌ نینە . مروڤ و مروڤایەتی بگشتی و ژن بتایبەتی لباشوور بویە مەزنترین پاری بو هێزا سیستەمێ‌ قرێژی یێ‌ سەرمایەداری و كریە كالایەك لسەر شامپو و تایێت و سەنتەرێن مەساجێ‌ و جوانكاریێ‌ بو راكێشانا سەرنجا خەلكی دا كو پارەیەكێ‌ زورتر بدەست خوە ڤە بێخن . لباشوور دڤێت ژن بخو ل كەیسا خو خودان دەركەڤن و ئایدولوژیەكا تایبەت بخوە بخولقینن و شورشەكا هزری بەرپابكەن لسەر وێ‌ ئایدولوجیێ‌ دا بگەهنە ئارمانجا خوە . ئارمانج ژی بێگومان ئەوە كو ئێدی ئەز ڤێ‌ نەدادیا كومەلایەتی قەبوولناكەم و ئەز دڤێت خودان ئابوورا خوە یا سەربخوە بم و ئەز نەهاتیمە سەردونیایێ‌ دا چ گاڤا زەلامی ڤیا ب هیچجەتا شەرەفێ‌ لبن كەڤرەكێ‌ من بكوژیت . كومەلگەهەكێ‌ مروڤ دوست و مروڤایەتی سالار مە دڤێت.