ئەمە بڵاوبكەوە
FaceBook  Twitter  

بارودۆخی كەركووك گۆڕانێكی سیاسی بەخۆوە دەگرێت لەگەڵ ئەوەشدا ناڕوونی پێوە دیارە و دڵەڕاوكێیەكی خستۆتە ناو هاووڵاتییانەوە.

جۆرێك وابیر دەكاتەوە ئەو گۆڕانكارییانە لە بەرژەوەندی گشتیدایە و جۆرێكی تریش وا بیر دەكاتەوە كە هێز بە لای هێزی گەورەكەدا دەشكێتەوە و پاشەكشە بە هەیمەنەی ئێرانی دەكەن و هێزەكە دەگەڕێتەوە ژێر كۆنترۆڵی ئەمریكا، بە هەردوو بارەكەدا ئەوەی كە قازانجی لێناكات خەڵكی هەژار و زەحمەتكێش و بەشمەینەتە، ئەزموونی ئیدارەدانی ئەم شارە لە دوای ساڵی 2003وە كاركردن بووە لەسەر دزینی نەوت و داهات و بودجەی ئەم شارە بووە ..

بۆ ڕەوایەتی ئەم قسانە، وێرانیی شەقام و كۆڵان و گەڕەكەكان و نەبوونی كار و هەژاری تەماشا بكە.

دەوڵەتی ئێرانی لە ناوچەكەدا خۆی بەخاوەنی چارەسەری كێشەكان دەبینێ، لەكاتێكدا وڵاتی ئێران پڕە لە ناعەدالەتی و نائینسانی و لەسێدارەدانی مرۆڤ و نەبوونی ئازادی تاك و ئازادی ڕۆژنامەگەری و ئازادی كۆمەڵایەتی و ئازادی سیاسی . 

تاكو گەردنی دەوڵەتی ئێران بێكاری شەپۆل دەدا و ڕووبەڕووی هەڵئاوسانی ئابووری سەخت و تەنگەژەیەكی دارایی بۆتەوە كە ڕەنگە لەم نزیكانەدا كۆتایی بە ژیانی سیاسیان بێت.

بەدیوەكەی تریشدا ئەمریكا بەداخێكی گەورە و پڕ لە قینەوە هێز ڕەوانەی ناوچەكە دەكات بەتایبەتی بۆ كەركووك، بەبێ گوێدانە خەبات و تێكۆشانی گەلانی عێراق بەتایبەتی بزووتنەوە سیاسییەكەی كوردستان كە لە قۆناغی ڕزگاری نیشتمانیدایە، تێڕوانینی ئەو لەبەرژەوەندییە باڵاكانی قازانجی زۆر و كۆنترۆڵی فراوان و هەیمەنە ترس سەربازی و بردنی پشكی شێر و هەموو ئەمانە بێگوێدانە ژیانی تاك بە تاكی ئەم كۆمەڵگایە و سەروەرییەكانی گەل و نیشتمان بەناوی چارەسەری كێشەكان پەل بۆ هەموو كەلێن و قوژبنێك دەهاوێ و لەسەگی هار دەچێت.

لەدواجاردا ئەوەی دەیچنێتەوە بەرهەمی نەوت و سامانە سروشتییەكانە، دانانی رۆبۆتێكی سیاسی بۆ عێراق.

 

  • 1