ئەمە بڵاوبكەوە
FaceBook  Twitter  

دوای زیاتر لەسەد ڕۆژ لەهەڵبژاردنێکی پڕ لەساختەو تەزویر خولی پێنجەمی پەرلەمانی کوردستان وە چەندین هەوڵی جۆراو جۆر بۆ ڕێککەوتنی لایەنە براوەکان بۆپێکهێنانی حوکمەتی هەرێمی کوردستان ئەمڕۆ لەپڕۆسەیەکی کرچ وکاڵی پڕ لە ئاماژەی خراب پەڕلەمانی کوردستان کۆبونەوەی خۆی ئەنجامدابۆ هەڵبژاردنی دەستەی سەرۆکایەتیەکەی ،ئەوەی کەجێی ئاماژە پێکردنە ئەمەی ئەمڕۆ لەهەرێم ڕویدا دەرخەری ئەو ڕاستیەبو کە تائێستا هەرێم لەژێر هەژمونی دوو بنەماڵەو دوحیزب و دو زۆن دایە ئەوی کە حیسابی بۆنەکرێ دەنگدانی خەڵکە. لەکاتێکدا کە لایەنێک لەڕوی دەستکەوتی حیزبیەوە کەمی بەرکەوتوە بایکۆتی پرۆسەکە دەکات وە پشت قایمە بەو هێزەچەکدارەی کەهەیەتی وەپێی وایە ئەگەر لەپەرلەمانیش هەوڵی پەراوزخستنی بدرێ ئەوا لەواقیعدا ناتواندرێ هەوڵی پەراوێزخستنەکەی جێبەجێ بکرێ چونکە خاوەن هێزی چەکدارە و پانتایێکی جوگرافی فراوانی لەژێر دەست دایە .خاڵێکی تر کە جێی پرسیارە ئەوەیە کە ئایە ئەم گاڵتەجاڕیەی ئەمڕۆ روویدا تاچەند بۆ خەڵک گرینگ بو ؟ لەئێستادا خەڵکی هەرێمی کوردستان تەنها سەرنجی لەسەر پێکهێنانی حکومەتێکە کە پاشەکەوتی مووچەی بۆ هەڵگرێ جالەسەردەستی هەرکەسو لایەنێک بێت ،کەمن وای بۆدەچم هەمو ئەوپڕۆسەی برسی کردن بەچارەگ کردنی مووچە دەستبردن بۆقووتی خەڵک کارێکی بەرنامە بۆداڕێژراوبو بۆئەوەی خەڵک ئەوەندەی کەبیر لەژیان و گوزەرانی خۆی بکاتەوە سەرەنج نەخاتە سەر ڕەوتی داسەپاندن و بەتایبەت کردنی کەرتەکانی ئابوری لەهەرێمدا .وەلەهەمانکاتدا لادانی سەرنجی خەڵک لەسەر ئەو پاشکشەی کەهەرێمی کوردستان لەڕوی سیاسی و ئیداری و جوگرافیەوە توشی بوە . خاڵێکی تر کە پێویستە هەڵوەستەی لەسەربکرێ جۆری سیستەمی حوکمڕانیە لەڕوی ئابوریەوە لەداهاتو کە واچاوەڕوان دەکرێ خەڵکی هەرێمی کوردستان ڕووبەڕوی جۆرێک سیستەمی حوکمڕانی ببێتەوە کە جگە لەماڵوێرانی و هەژارکردنی زیاتری هیچ دەستکەوتێکیتری نەبێ چونکە لەئێستا ئاراستەی حوکمڕانی لەهەرێمدا بەرەو سستمێکی سەرمایەداری مشەخۆر وە بەتایبەتی کردنی کەرتەکانی گشتی هەنگاو دەنێ .ئەمەش دەبێتە هۆی بڵاو بونەوەی هەژاری زیاتر لەهەرێمدا ، ئەم سیناریۆیەی ئەمڕۆ کەڕویاندا جگەلە خەڵەفاندنی خەڵک و چەواشەکاری وگاڵتەجاڕیێک زیاتر نەبو لەئێستادا ئەرکی تەواوی چین وتوێژەکان و خەڵکی پێشکەوتنخوازی هەرێمی کوردستان خۆیان لەبەرەیەکی چەپ ڕێکخەن وئامادەکاری بکەن بۆ ڕووبەڕو بونەوەی ئەو تەوژمە سەرمایەداریەی کە لەڕێی لایەنەکانی پێهێنەرى حکومەتی داهاتودا پایەکانی زیاتر دچەسپێنێ .