ئەمە بڵاوبكەوە
FaceBook  Twitter  

جەعفەر كەریم كاكەمەند هەمەوەندی

ئیمەی میللەتی كورد خاوەن داب و نەریتێكی تایبەتین كە چەندەها ساڵە بۆماوەیی و لە باوباپیرانمانەوە نەوە بەنەوە هاتووە تا گەیشتووە بەم سەردەمەی ئێستا. نەیارانی كورد لە هەر چوار لاوە هەوڵی ئەوەیان داوە بە هەر شێوەیەك بێت كاریگەری بخەنە سەر كولتووری ئێمە و بەشێوەیەك لەشێوەكان ناشرینمان بكەن تاڕادەیەكی باش بەرگری كراوە و نەیانتوانی ئامانجە گڵاوەكانیان بهێننە دی، بەڵام ئێستا زۆر بەداخەوە لەڕێگەی(تی ڤی) و كەناڵە سەتەلایتەكانی لای خۆمان ڕاستەوخۆ دەچێتە ناو خێزانەكانمانەوە.. بەتایبەتی كەناڵی كوردماكس..و هاوشێوەكان.. شۆ....و...نیت تیڤی، ئەم كەناڵانە ناڕاستەوخۆ تاكی كوردیان تووشی دڵەڕاوكێ كردووە.... لەدراما توركییەكاندا ڕێگەی خۆكوشتن، درۆكردن، خیانەتكردن لەنێوان هاوسەراندا، لەهەمووی سەیرتر ئەوەیە فێری خۆكۆشتنت دەكەن كە جۆن لە تەلارە بەرزەكانەوە خۆت هەڵدەیتە خوارەوە، ئەوەیە كولتوور، منداڵ ڕفاندن، ژن كوشتن، پیاوكوشتن، دزیكردن، ژەهرخواردن...هتد خۆمان كێشەمان كەمە هەر لەمەمان كەمە.

ماوەیەكە لێرەو لەوێ كچێك خۆی كوشت یان خۆی خنكاند یان گەنجیك هاوڕێیەكەی دەكوژێت گەر بڵێم لە سەد هەشتای دەگەڕێتەوە بۆ سەر كارتێکردنی ئەو درامایانە، هۆكاری ڕێ نیشاندەری خۆكوشتنی ئەو كچ و كوڕە گەنجانەی هەرێمەكەی خۆمانن، پەخشكردنی ئەم درامایانە هیچ خزمەت بە كۆمەڵگەی كوردی ناكات. چارەسەری كێشەكانی لانییە تەنیا ئاڵۆزكردنی ناخی گەنجەكان نەبێت بەرەو هەڵدێران و بێ هیوایی لەژیانیان دەبات. كە پێی ناگات لەئەنجامدا بەخۆكوشتن و خۆهەڵواسین و خۆهەڵدان باجەكەی دەدەینەوە. وەزارەتی ڕۆشنبیریش دەبووایە بەربەستێكی بۆ ئەو جۆرە درامایانە دابنایە، ڕێگەی نەدایە بە درامایەك یاخود فلمێك كە خزمەت بە كۆمەڵگە ناكات لە كەناڵەكان پەخش بكرێت. یان ڕێكخراوەكانی ژنان بۆ چی بێدەنگن كە بەو شێوە ناشرینە سوكایەتی بە ژنان دەكرێت ئەی نابینن چۆن یاری بە هەستیان دەكرێت. یاخود زۆر باشە كە فێری ئەوە بكرێن كە چۆن زلە لە پیاوەكان بدرێت.. ئەمانە تەنیا بۆ فێربوونە و شێواندنی خێزان و كۆمەڵگەیە نەك چارەسەر لە لایەكی تریشەوە خزمەتی كولتوور و هونەری توركیا. 

  • 1