ئەمە بڵاوبكەوە
FaceBook  Twitter  

لەدوای ڕاپەڕین و کشانەوەی ئێدارەکانی ڕژێمی بەعس لەچەند ناوچەیەکی هەرێمی کوردستان، بۆوەهۆی تێڕوانینی ڕۆنشبیران و هاوڵاتیان بۆئایندە، کە تێڕوانیان وابوو ڕاپەڕین دەستکەوتێکی گەورەیە بۆ میلتەکەمان، دەبینە خودان حوکومەتێکی دیموکراسی و ئابوریەکی سەربەخۆ سەرجەم هاوڵاتیان لەژێر چەتری دەسەڵاتی کوردیدا دەحەسێنەوە و سەرجەم مافەسەرەتاییە کانی هاوڵاتیان دابین دەکرێ، بەڵام بەداخەوە لەدوای گەڕانەوەی هێزە حیزبیەکانی شاخ و سەرکردە سیاسیەکانی جووت ‌زل حیزب یەکێتی و پارتی، ئەو تێڕوانینە نەک بوو بە خەونێکی شاعیرانە، بەڵکو گۆرانێکی سیاسی و کۆمەڵاتی لەم هەرێمە دروست کرد، کەچارەکە سەدەیەکە بەدەستێوە دەناڵێنێن

بەتایبەتی لەئاستی پەیوەندی هێزو ئابوریدا کە جووت حیزب وەک هێزی باڵا لەناو کایەی سیاسی کۆمەڵگادا بونیان هەبوو، ئەویش بەهۆی کەچەند سەرکردەیەکی جووت حیزب ئەرکی بەڕێوبردنی ووڵاتیان کەوتبۆ ئەستۆ، تاکە شت لەبەردەستیان بوو ئابوریەکی زەبەلاح و هێزێکی چەکداربوو. 

بەجۆرێک کاربەڕێکەری ووڵات بوون هەم سەرکردەی سیاسی و هەم ئابوری و سەربازی هەرێمەکە خۆیان بوون، سەرکردەخێڵەکیەکانی جووت حیزب هەم کاربەڕێکەری سیاسی و هەم ئابوری بوون ئەمەش بوە هۆی گۆرینی دەسەڵاتی سیاسی بۆ ئابوری .

ئەم گۆڕانە بووە هۆی دابەش بونی دووچینی کۆمەڵایەتی هەژار و دەوڵەمەندە هەژارەکانی پێش ڕاپەرین بوون بەنوغبەیەکی سەرمایەداری سیاسی.

گۆڕانێکی کۆمەڵایەتی سیاسی هاتەکایەوە شەری ناخۆش لە ئەنجامی ئەم گۆڕانەوە سەری هەڵدا ،

شەڕی ناوخۆ گەورەترین پەڵەی رەشە بەنێوچەوانی سەرکردەسیاسیەکانی ئەم هەرێمەوە، لە ئەنجامی سازش نەکردن لەسەر ئابوریەکی زەبەلاح و چاچنۆکی سەرکردەسیاسیەکانی جووت حیزب ماڵوێرانیەکی تر بەرۆکی گەلەکەمانی گرتەوە، ئەو هێزە سەربازییە هەیان بوو کردیانە قوربانی بەرژەوەندیە سیاسی و ئابوریەکانی خۆیان.

هەزاران ڕۆڵەی ئەم نیشیتمانە لولەی تفەنگەکانیان ڕوبەڕوی براکانیان کردبوو، هەزاران قوربانی و هەزاران منداڵ بێ باوک بوون، یەکێکی تر لە هەرە پەڵە ڕەشەکانی مێژوو بەتەوێڵی چەن سەرکردەیەکی سیاسیەوە پەنابردن بوو بۆ دوژمن، دوژمنێک ساڵهابوو هێزە کوردیەکانی شاخ بەچەپ و ڕاستەوە خەباتیان لەدژی دەکرد، دووژمنێک لەهەوڵی سیڕینەوەی شوناس کلتوری گەلەکەمان بوو، بەڵام لایەنێک بێ گوێدانە گەل و خاک و نەتەوە، لەسیو یەکی ئاب هانای بۆ حزبی بەعسی داگیرکەر بردوو دەبابەکانی حوکومەتی بەعسی داگیرکەری هێنایە ناو هەولێری پایتەخت، لە کاتێکدا خەڵکی هەرێمی کوردستان بەنەبەردی و دلێری خۆیان ڕاپەڕینیان دژی بەعسی داگیرکەر کرد، سەرلەنوێ دەبابەکانی بەعسیان بەپێشڕەوی پارتیەوە بینی.

ئێستاش دوای زیاتر لە چارەگە سەدەیەک کاریگەریەکانی شەڕی براکوژی بە سەر کۆمەڵگاوە بوونی هەیە بەئاشکرا دووئیدارەیی لەم هەرێمە بونی هەیە، سیاسەتێکی ئابوری و هێزی سەربازی حیزبی و ئاسایشی حیزبی، کە ئەوەدەسەلمینن هیچ گۆڕانیکی سیاسی لەم هەرێمە ڕوی نەداوە .

هاونیشتیمانیانیش بوون بەقوربانی سیاسیەتی ئابوری و کۆمەڵگا دابەش بوو بۆسەر دووچینی جیاواز، چینێکی ئەستۆکراتو سەرمایەداری، چینێکی هەژارو بێئومێد.

چینی یەکەمیان سەرکردە سیاسیە هەژارەکانی شاخن، کە ئێستا خاوەنی چەنیدین کۆمپانیا و مۆڵ و ڤیێلاو بیرە نەوتن، چینی دوەمیشیان خەڵکە ڕاپەریوەکە و نەوەکانیان، کە نەبوونی هەلی کارو دادگایەکی داد پەرەوەر و نەبونی خزمت گوزاریە سەرەتاییەکان ..... هتد 

چەکدار کردنی میلەت و گەڕانەوە بۆنەریتە کۆنەکان و زیندوو کردنەوەی خێڵ و عەشیرەت لەسیاسەتە چەوتەکانی جووت حیزبن، تاوەکو ڕێگە لەهۆشیاری و ڕۆشنکەری بگرن، ئێستاش هێزەکانی حەفتا و هەشتا دوو هێزی چەکداری حیزبین و بەنیشتمانی نەکراون، ئەمە ئەو ڕاستیە دەسەلمێنێ ئێستاش لەو سەردەمە تاریکەدا دەژین کە شەری براکوژی تێدا هەڵگیرسا.

سیاسەتی چەوت و ئابوری، تەواوی چینی هەژاران و گەنجان و فەرمان بەرانی توشی رقێکی گەورە کردووە لەبەرامبەر سیاسیە بازرگانەکانی ئەم هەرێمە، رقێک کەهێندە پەنگی خواردۆتەوە، ڕۆژێک وەکو گڕکان دەتەقێتەوە و وێنەی ڕاپەڕینەکانی بەهاری عەرەبی، ئەگەر ئەم نوخبە سیاسیە دەست هەڵگری سیاسەتی چەووت نەبن، ئەم تەقینەوە پڕقینەی میلەت دەبینن کە هیچ هێزێک خۆراگیرناکا لەبەردەمی.