ئەمە بڵاوبكەوە
FaceBook  Twitter  

بەشی دووهەم و كوتایی

 

 

كونفرانس ژبوی كۆمونیست و چەپێن كوردستانی گاڤەك گرنگە:

بیرۆكا بەستنا كونفرانسێ‌ ژبوی كوردستانیان گاڤەكا گەلەك گرنگە، گەرەكە ئەڤ چالاكیە ببیتە چالاكیەكا سالانە و ب شێوازەكێ‌ رێكخستی تر بەرهەڤی بو بهێنەكرن، جارا یەكەمینە كۆمونیست و چەپێن كوردستانی هەڤدۆ ناسدكەن و بیری د كۆمسیونەكا هەڤبەش یا مایندە دكەن، خەباتەكا هەڤبەش دڤی واری دا دێ‌ زێدە یا بەرهەمداربیت، ژبەركو هەلویستێن ژ ئەڤرۆ پێڤە دهێنە ئاڤاكرن دێ‌ پتر یێن نێزیكی راستیا دورهێلی و ناڤەرۆكا بەرفرەها بویەران بن.

پرسگرێگا گەلێ‌ كوردستانی گەنگەشا وێ‌ ژ ئالیێ‌ تێكرایا كۆمونیست و چەپێن كوردستانی ب مەبەستێن كومكرنا هەموو شیانان ژبوی پتر پێشدابرنا دوزا رەوایا گەلێ‌ مە، پیرۆزیا ئەڤی كاری كەس نكاریت ئینكار كەتن، دوێ‌ باوەرێ‌ داینە هەبوونا شیانێن مە بتنێ‌ پرسگرێك ناهێتە چارەسەركرن، چونكە رژێمێن دەولەتێن داگیركەرێن كوردستانێ‌ رژێمێن دكتاتور و زوردارن، ب شێوازەكێ‌ هەری و هوڤ و دروندانە مامەلێ‌ دگەل تەڤگەر و بزاڤێن كوردستانی دكەن، پێتڤیاتیا مە ب هاریكاری و پشتەڤانیا گەلەك ئالیان هەیە، ژوانە:

 كۆمونیست و چەپێن نەتەوێن سەردەست یێن وان وەلاتێن كوردستان لسەر هاتیە دابەشكرن، گەرەكە تێكەلیێن كۆمونیست و چەپێن كوردستانی دگەل وان گەلەك یێن بهێزبن و دایەلوكەكا بەردەوام دنیڤبەرا وان دە هەبیت، ئەگەر ئەو ب تەمامی پرسگرێكا مە ناسبكەن و رەواتیا وێ‌ ب پەژرینن، د پراكتیك دا ئەو دێ‌ شێن دەمارێن رحا راسستیێ‌ دناڤا نەتەوا خوە دا لاوازكەن و تێگەها پرسگرێكا كوردستانی ژوانرە دەنە زەلالكرن، پاشان ئەو بخوە و بەشەكێ‌ نەتەوا خوەڤە دێ‌ بنە پشتەڤان و د هەر مەحفەلەكێ‌ گرسەیی دا دێ‌ پشتەڤانیا گەلێ‌ مەكەن و دێ‌ د بەرنامێن خوە دا پرسگرێكا مە پتر دەنە رونكرن ژ رایا گشتی رە.

 كۆمونیست و چەپێن دەرڤە یێن وەلاتێن (ئەورۆپی، رۆژهەلات، رۆژئاڤا) ئەڤێن كو خوەدی باندورن، كومیتا هەڤبەش ئەڤا كو بریارە كۆمونیست و چەپێن كوردستانی ئاڤاكان، ب ئاوایەكێ‌ بەرنامەكری دەست ب هەوەكا بەرفرەه یا چێكرنا تێكەلیان بكەن، دگەل چەپ و كۆمونیستێن وان وەلاتێن مە نها ئاماژەكری، هەر ئێك ژ كۆمونیست و چەپێن ڤان وەلاتان دێ‌ دناڤا جڤاكا نیڤنەتەوی دا مینا دوستەكێ‌ گەلێ‌ مە تێكوشانا خوە دەنە پارڤەكرن، دڤی واری دا چەند ئەم خورتر كاربكەین ئەم زێدەتر دێ‌ دەولەتێن داگیركەرێن كوردستانێ‌ د جڤاكا نیڤدەولەتی دە شەرمزاركەین.

 پارت و گروپێن كەسێن سەربەخوە یێن باوەریا وان ب پرەنسیبێن دیموكراسیەتێ‌ هەی، هەبوونا پرەكێ‌ دنیڤبەرا وان كۆمونیست و چەپێن كوردستانی دە گەلەك یا فەر و گرنگە، ئەو زولم و ستەما ل گەلێ‌ مە دهێتەكرن ژ ئالیێ‌ دەولەتێن داگیركەرێن كوردستانێ‌ ڤە، ئاشنابوونا وان لسەر ئەوان راستیان دێ‌ پرسگرێكا گەلێ‌ مە پتر هاندەت گاڤێن خورتر و براهاڤێژتر پێشدا ببەت، ئەڤە دێ‌ بیتە هێزەك مورالی ژبوی كو كۆمونیست و چەپێن كوردستانی دەهان جار پتر گورەپانا تێكوشانا خوە بەرفرەهكەن.

 كونفرانسێ‌ داهاتی لجها پانێلیستێن وان ب رەگەز كورد و چەپ و كومونیستێن كوردستانی بن، بلا كەسێن (تورك، عەرەب، فارس، ئەوروپی، رۆژهەلات، رۆژئاڤا، كوردستانی) بن، بلا ئەو د ڤەكولینێن خوە دا مژارێ‌ بدەنە خوەیاكرن، ئەگەر ئەو لسەر پرسا گەلێ‌ مە و پرسگرێكێن رۆژهەلاتا ناڤین بپەیڤن دێ‌ كاریگەریا وان پتر ئارمانجان هنگێڤیت، ئەگەر ئەم دڤان هەموو بیاڤان دا كاربكەین دێ‌ هەمی دەرگەهێن داگیركەرێن كوردستانێ‌ دائێخین و دێ‌ گڤاشتنا لسەر سیاسەتا وان پتر دژواركەین.

 كونفرانسا داهاتی یا كۆمونیست و چەپێن كوردستانی، گەرەكە ژ ئالیێ‌ هونەری و پرسگرێكێن زمانی و زاراڤی ڤە چارەسەربن و زێدەتر پێشدابچن، نەچارەسەركرنا ئەڤان كێشان نرخێن كارێن كونفرانسێ‌ لاوازدبن و بیرو بوچوونێن جیاواز جهێن خوە باش ناگرن، دیسان ژی فەرە جهەكێ‌ گونجایی بهێتە دەستنیشانكرن، داكو هەموو كەرستێن پێتڤی یێن گرێدایی پرسەیا برێڤەبرنا بەرنامێن كارێن كونفرانسێ‌ یێن بێ‌ پروبلێم بن.

 تایبەتمەندی یا هەر بەشەكێ‌ لبەرچاڤ بهێتە وەرگرتن، گوتارا چەپ و كۆمونیستێن كوردستانی خوە د كراسەكێ‌ كلاسیك دە بچوك نەكەتن، لهەمبەری هەموو بویەران هەلویستێن خوە پێكبینیت، گوتار بەردەوام د گوهرین و نوژەنكرنان دا بیت، زمانێ‌ دایەلۆكێ‌ نەهجێ‌ وان بیت.

ئەم دەما لسەر پرسگرێكا كوردستانی د سەكنین، ئەو چەند ناهێت وێ‌ واتێ‌، كو كۆمونیست و چەپێن كوردستانی د ناسنامەكا ناسیونالستی دە خوە دورپێچ كریە، چونكە گەلێ‌ مە زمانێ‌ وی هاتیە قەدەغەكرن .. سترانێن وی هاتنە دزین .. كلتورێ‌ وی هاتیە ئاسمیلەكرن، شەرەكێ‌ مەزن یێ‌ نەژادپەرستیێ‌ لسەر وی دهێتە مەشاندن، داكو ئەڤ گەلە ژ مرنێ‌ و ناڤچوونێ‌ رزگارببیت، ئەركێ‌ كۆمونیست و چەپێن كوردستانی یە خوە لڤێ‌ پرسێ‌ بكەنە خوەدی، درویشمێ‌ كار و خەباتا وان ئازادی و سەرخوەبوونا كوردستانێ‌ بیت، ئەم دوێ‌ باوەرێ‌ داینە كۆ چ گرێبەستێن نەتەوی ناهێنە پێكئینان ئەگەر هزرێن چەپ و كۆمونیستی لپشت نەهێنە بنەجهكرن، خەباتا لپێشەیا مە خەباتەك كوردستانی و چینایەتی یە.

هێز و ئالیێن چەپ و كۆمونیستێن كوردستانی ژوان دهێتە خواستن، ئەو بزانن كو كوردستان بزور هاتیە دابەشكرن و زولم و ستەمەك مەزن لسەر وان دهێتە برێڤەبرن، كاركرن ژبوی ئازادی و سەرخوەبوونا وان ئەركێن هەنوكەیێن وانن دڤێ‌ قوناغێ‌ دە، لدور ئەڤان مژاران ئەم نها پێتڤی مانیڤیستەكا روهن و زەلالین، گەرەكە كودەنگیا مە دڤی واری دا هەبیت، دەمێن ئەم بەرنامێن كارێن خوەژی دادرێژین، هەیەجان و دورهێل نابیت لهەڤ دو یێن ناكوكبن، گیان و شیان یێن بەلانسكری بن، میكانزما كارێ‌ هەڤبەش لسەر ئەڤان بنەمایان بهێتە ئاڤاكرن. 

هاڤێتنا گاڤێن لەزگین یێن چەپ و كۆمونیستێن كوردستانی:

كۆمونیست و چەپێن كوردستانی ب پراكتیك گاڤێن ئەرێنی هاڤێتن یێن لهەڤ جەمیانێ‌، جسارەتا ئەڤێ‌ گاڤێ‌ گەرەكە ب پیرۆزی بهێتە نرخاندن، ل

 

  • 1