ئەمە بڵاوبكەوە
FaceBook  Twitter  

ئەحمەد كامەران/ جەنگی ئەمریكا و تاڵیبان, لەقەتەرەو پێ دەنێتە قۆناغێكی تر

ڕاپەرین یاخود شۆِرش, ئەم دەستەواژەیە لەلایەن چینی هەژاران و كرێكاران و گەلی ستەملێكراو درووست بووە, ئەمەش بەهۆی ئەوەی كە ئەو گەلە یاخود ئەو چینە هەژارە بەردەوام لەژێر ستەملێكردن دابوو لەلایەن كەسانی فەرمانڕەواو كەسانی كاربەدەستی سەرمایەداری زەبەلاحەوە,هەربۆیە لە دەرئەنجامدا ئەو گەل و چینە هەژارانە وە بەتایبەتیش چینی كرێكاران دەستیان نایە ناو دەستی یەكتر و زەنگی ڕاپەرین و شۆڕشیان لێدا لە دژی دەسەڵات دارە فاشیزم و دیكتاتۆرەكان,ئەگەر چی دەرئەنجامی بەشێكی ئەو ڕاپەرینانە كە لەمێژوودا هەڵگیرساوە زۆربەیان دەرئەنجامی باشیان هەبووە , وە بەپێچەوانەشەوە هەندێكی تر هیچ گۆڕانێكی ئەوتۆی بەسەر نەهاتبوو.

هەموو گەلێگ لە جیهان بەپێ قۆناغ و بارودۆخە جیاوازەكان زەنگی ڕاپەرین و شۆڕشیان لێداوە لەپێناو سەربەخۆیی و سەقامگیری ئابووری و سیاسی و كۆمەڵایاتی,هەروەها لەنێویشیاندا گەلێكی ستمەلێكراوی گەورەی ئەم گۆی زەویەدا كە بەردەوام لەژێردەستەو چەوساندنەوەدا خۆی بینیوەتەوە ئەویش گەلی (كوردە) ئەو گەلەی كە خاكەكەی دابەش كراوە بۆسەر چوار پارچە...بەڵام لە كۆتایەكانی سەدەی بیستەم لە ڕۆژی 5|3|1991 پارچەیەكی گەلی كورد دەست دەخەنە نێو دەستی یەكترو بڕیاری ڕاپەرین و شۆڕش دەدەن لە دژی دەسەڵاتی دیكتاتۆری داگیرگاری بەعس كە لە شۆڕشەكەیان داوا دەكەن خاكەكەیان چۆڵ بكەن و سەربەخۆ بن خۆیان دەسەڵات داری خۆیان بكەن , چوونكە ئیتر تووڕەیی گەیشتبووە سەر ئێسكەكانی گەلی كورد, ئەو پارچەیەش باشووری كورستان بوو كە یەكەم ناوچەش زەنگەكەی لێدرا شاری(ڕانیە)بوو.

بۆ دواجا توانیان ڕژێمی بەعس شار بەدەر بكەن و خاكەكەیان ئازاد بكەن لەژێر چنگی دووژمنان , ئیتر لەپاش ئازادبوونی پارچەی باشووری كوردستان كە لكێندرابوو بەعێراقەوە كە توانی قەوارەیەكی سەربەخۆ بۆ خۆی درووست بكات و حكومەت و پەرلەمانیش دابمەزرێنێت بەناوی حكومەتی هەرێمی كوردستانەوە, واتە لەوە بەدوادا ئەم پارچەی بۆ خۆی كاروبارەكانی خۆی بەڕێوەدەبات هەروەكو نیمچە سەربەخۆیەك , بەڵام جیاواز لە سێ پارچەكەی تر كە بەوڵاتانی سوریا و توركیاو ئێران لكێنرابوون بەردەوام بوون لە ژێر دەستەی ئەو سێ دەوڵەتە .

هەڵبەتە بەشێكی ئەو داگیركاری و چەوساندنەوەی كورد كە لەبەرامبەری ئەنجام دەدرێت, دەگەڕێتە بۆ نێو خودی یەكڕیزی خۆی چوونكە دەسەڵات دارانی كورد هیچ كاتێك كاریان لەسەر گوتاری یەك دەنگی و یەك هەڵوێستی نەكردۆتەوە ,بۆیە بەردەوام دووژمنان زەفەریان بەكورد هێناوە, دیارترین نمونەش ئەوە بوو كە لەپاش چەند ساڵێكی كەم لە درووست بوونی هەرێمێكی نیمچە سەربەخۆ بەڵام نەبوونی یەك دەنگی و گوتاری هاوبەش وای كرد كە دوو هێزی دەسەڵات دار پارتی و یەكێتی بكەونە جەنگ و سەنگەر لەیەكتر ڕابگرن كە ئەو شەڕەش بە شەڕی ناوخۆ دادەنرا, واتە لێرەو دووبارە پرسەكان و دەسكەوتەكانی كورد كەوتنە مەترسیەوە بەهۆكاری كێشەو ناخۆیەكانی نێو ماڵی كورد, هیچ دوور نەبوو كە كورد بەهۆی ئەو جەنگە ناوخۆیەوە ئەو نیمچە قەوارەیەی خۆی لەدەست بدات, بەڵام هەوڵەكانی نێودەوڵەتی وكەش و هەوا سیاسیەكە ڕێگای بەو بارودۆخە نەدا كە جارێكی تر پارچەی باشووری كوردستان بكەوێتەوە ژێر دەستی عێراق وەكو پارێزگایەكی دەرەجە دوو و سێ مامەڵەیان لەگەڵ دا بكات.

ئەگەرچی لە كۆتایی دا جەنگ لەنێوان ئەو دوو هێزە دەسەڵات دارە كۆتایی هات بەڵام ساردی و گرژی و ئاڵۆزی و گوتاری دژ بەیەكیان لەنێوان دا بەردوام بوو.

هەرچەندە لەپاش ڕاپەڕینەوە دەست كرا بەدرووسكردنی پڕۆژە و خزمەتگوزاری بەڵام تەنیا بەوشێوەیەكی لاوەكی بوون بەڵكو بەشێوەیەكی زەق نەتوانراوە سەرجەم ئەو پڕۆژەو خزمەتگوزاریانە پێشكەش بە هاوڵاتیان بكرێت لەلایەن حكومەتی كوردیەوە كە لە پاش ڕاپەرین دامەزرا, لەگەڵ ئەوەشدا كە من تێبینم لەم حكومەتە كوردیەدا كردوە ئەوەیە كە ڕۆژ بە ڕۆژ بناغەی چینایەتی لەنێو كۆمەڵگای كوردی بەرەو زەق بوونەوە دەڕوات لەسەرجەم كەرتەكانی خزمەتگوزاری كەوەكو یەك پێش كەش ناكرێت بۆ سەرجەم تاكەكان.

ئەگەر چی ئێستا پارچەی باشوور بە نیمچە سەربەخۆیەك دادەنرێت جیاواز لە پارچەكانی تر, بەڵام عێراق بەردەوام هەوڵی ئەوە دەدات ئەو پارچە سەربەخۆیەی كوردستان بگەڕێنەتەوە ژێر دەستی خۆی بەهەر ڕێگایەك بێت كە ئەوەش وەكو خەونێكی كوڵاو وایە , بەڵام لەساڵی 2017 كورد بڕیاری ڕیفراندۆمێكی دا كە ئیتر بەیەكجاریەتی ماڵئاوایی لە عێراق بكات, بەڵام ئەو ڕیفراندۆمە شكستی هێناو دەرئەنجامەكەی بووە لە دەستدانی بەشێك لە خاكی كوردستان, بەڵام خۆی لە بنەڕەتدا ئەو بەشەی كە لە دەستی كورد دەرچوو ناوچە كێشە لەسەرەكان بوون واتە هیچ پەیوەندیەكی فەرمی بەكوردەوە نەبوو بەڵكو بەداخەوە ناوچەیەكە دووژمنان وەكو گورگ چاویان ناوەتە سەری كە هەریەك لە پێكهاتەكانی ئەو ناوچانە دەڵێن: (هی ئێمەیە) بەڵام ڕاستی تەنیا هی كوردەو موڵكی هیچ كەسێكی تر نیە.

پێویستە كورد جارێكی تر ڕاپەرینێكی گەورەتر بكات بەهەر چوار پارچەكەیەوە بۆ درووست بوونی كوردستانێكی گەورەو ئازاد كە لە ژێر چەتری ئاڵای ڕەنگینی كوردستاندا بحەسێتەوە, چوونكە ئیتر ئەو كاتە كورد سەرجەم ماف و دسكەوتەكانی بەدەست دەهێنێت.

  • 1