ئەمە بڵاوبكەوە
FaceBook  Twitter  

 

لە پڕ رووی راستەقینەیان دەركەوت: سیاسەتی پارەسالارەكانی بۆرصە و سوپاكانیان فەرماندارن كەچی سیستێمی تەندرووستیان دەستەودامێن بەدیار كرۆنا و قوربانییەكانی دانیشتون. دەسەڵاتی سەرمایەی پیشەسازی و بانقەكانیان خزمەت بە سیستێمێك دەكات، نامۆ لە عەقڵ و هەست و سۆزی مرۆڤ و پێداویستیە سەرەتاییەكانی. هێندە خەریكی پیلانگێرین بۆ بەرپاكردنی جەنگ و كودەتا و جاسووسی و ویژدان كڕین و خۆسەپاندن و داگیركردنی كەرەستە خاوەكانن لە دنیا، نیو هێندە بایەخ بە پاراستنی تەندرووستی خودی هاوڵاتییەكانیان نادەن و لە 30 ساڵی رابردوودا لەپێناو هەڵوەشاندنی كەرتە گشتییەكان، تا پێیان كراوە سیستێمی تەندرووستیان پشگوی خست(داخستنی نەخۆشخانە یان ئەم و ئەو بەشی، راگرتنی دامەزراندن یان دامەزراندی كاتی).

(كرۆنا) ئاهەنگی روخاندنی دیواری بەرلین، سەرخۆشی بە(كۆتایی مێژوو)و سەرلەنوێ دابەشكردنی بازاڕەكانی دنیا لەنێو زلهێزە براوەكان، مایەپووچییان لە بەها ئینسانییەكانیان بۆ دوا نەخوێندەوارێكی لە دنیا دەركەوت.

دنیای قازانج و كاڵای زلهێزەكان لە پێداویستی نەخۆشەكانی كرۆنا لە باشووری ئیتالیا یان لەندەن ناپرسێتەوە(دەبێ پزیشكانی "وڵاتێكی هەژار" وەك كوبا)فریایان بكەوێت. نەخۆشخانە تایبەتەكان ئامادە نین خزمەت بە نەخۆشێكی هەژار بكەن و ئەنجومەنی كۆمپانییەكان كەلەشەقانە لەگەل كرێی و كاتی كاركردن و بیمە كۆمەلایەتییەكان رەفتاردەكەن.

تاقە وڵام بەم بارودۆخە كارەساتئامێز و ترس و سەرشێواویە ئەوەیە، قەیرانی سیستێمێكی هار و وێرانكەر بكەین بە حكومەتێك، بوون و پەیامی خۆی تەنها لە خزمەتكردنی پێداویستییەكان و خۆشگوزەرانی مرۆڤ بێت، ئەمەش تەنها و تەنها بە حكومەتی هەرەوەزییە ئازادەكان ئەنجامدەدرێت.

  • 1