ئەمە بڵاوبكەوە
FaceBook  Twitter  

سەیدو ڕەئیس کە خانووت لە شووشە بوو ، بەردان مەهاوێژە و نا شەرعیەکان مەکە بە شەرعی ، دیوار بە گێیە . چاوەڕوانی ئەوە نەبووین هەرچی ژەهری ناخە بۆگەنی پەنگ خواردووی پتر لە نیو سەدەی پڕاوپڕ لەخیانەت بڕژێنی ، هەرچی کەف و کۆڵ و رق و قینەی ڤاکسینی ئەنتی نیشتمانی دەریبخەی . مێژوو شاهیدی زیندوە و لە سەر شاشەکەی بە لایڤ تۆمارکراوە ، تەنها ئەوە دەخەمەڕوو کە لە دەفتەری جەنگاوەرێک هاتوە : کاتێ سەربازەکان پەلاماری گوندێکیاندا و دەستدرێژیانکردە سەر کچان و ژنان ، تەنها ژنێك لێیان هاتە دەست و دوژمنەکانی هەراسان و پاشەکشەیپێکردن  و پاکیزەیی خۆی پاراست ، ژنە ئەتککراوەکان بۆ پاراستنی ئابڕووی خۆیان کەوتنە مقۆی لەناو بردنی !!! هەر لە دێر زەمانەوە ناشەرعی لە حەق و ناحەقیش لە شەرعی بردۆتەوە هەربۆیەشە ململانێ و خەبات ، تا ژیان مابێ چڕتر دەبێتەوە و بەردەوامە . دەشێ بپرسین کامەیان شەڕعین ؟ ئەوە شەرعیە نەوتتان رادەستی گورگە بۆرەکانکردوە و بە پارەکەی ئاگر و ئاسن بە سەر گەلەکەمان دادەبارێنێ ؟ ئەوە شەرعیە لە تەك ئەردوغانی ئیخوانی تیرۆریست ، بانگەشەی هەڵبژاردن بکەی دژی ئیرادەی گەلی باکور ؟ ئەوە شەرعیە دەستان سوورە بە ناپاکی رادەستکردنەوەی وڵاتپارێزان و چاڵاکوانانی نیشتمانپەروەر بە رژێمی داگیرکەر ؟ ئەوە شەرعیەتە کەواسوریتان بۆ سوپای داگیرکەری تورك کرد و پتر لە 30 بارەگای گەورە کە هێلیکۆپتەر و تۆپخانەی دوور هاوێژی تێدایە ، جگە لە ناوەندە هەواڵگریەکانی چاڵاکی دەزگای میت و بە قوڵایی پتر لە 30 کیلۆمەتر هاتۆتە ناو خاکی باشور ؟ ئەوە شەرعیەتە پتر لە 9 مانگە گەمارۆی کەمپی مەخمورتانداوە و داعشتان لە زەوی تێبەرداون و لە ئاسمان چاوساخی بۆ فڕۆکە جەنگیەکان ؟ ئێوە نەبوون شەنگالتان رادەستی داعش کرد ؟ کێ راکە راکەی بوو لە گوێڕ مەخمور و رادەستی داعش کرا ؟ خێرە ، هەر ئێوە نەبوون لە ساڵی 2014 و نزیکبوونەوەی داعش لە هەولێر داواتان لە قەندیل و گەریلاکانی وڵاتپارێز کرد بۆ هاوکاری ؟ ئەرێ لەبیرتان چوو فورات دەنێزی کچە رۆژنامەنووس لە کوێ شەهید بوو ؟ لە مەخمور کێ سەردانیکردن و سوپاسی کردن ؟ وای لە روو قایمیتان چەند بێ ئەمەك و سفرەن و واخەریکن گۆبەندەکە خۆشدەکەن و بەرد دەهاوێنە ئەو کانیەی ئاوتان لێخواردۆتەوە!! وای لە ئێوەی خیانەتکار چ ڤایرۆسێکی کوشندەن پتر لە نیو سەدە رۆڵە بێنازەکانی نیشتمانە گڕگرتوەکەم بەناوی کوردایەتی بە کوشتدەدەن و  لە فاشیزمی ئەکەپە و مەهەپە مەترسیدار ترن !! هەر رۆژە خەریکی قەیران و دەرگیریەك بۆ ئەو میللەتە دەخوڵقێنن و رۆژنیە مەرگی بەسەردا نەبارێنرێ  گەیشتوونەتە چلە پۆپەی خیانەت وسیخوڕی گیاش لە سەر پنجی خۆی دەڕوێتەوە و خۆریش بە هەمیشەیی لە پشت هەورەکان پەنهاننابی . کوردستان موڵکی هەموو کوردێکی بەشەڕەف و بە نامووسە ، شەرمێکی گەورەیە کە بڵێن موڵکی پارتێك یا کەسیکە و قەندیلی سەربەرز و سەرکەشیش بە درێژایی مێژوو ، سیمبولی خۆڕاگری  و رەمزی فیداکاری و لانکەی شۆڕش و بەرخودان و مژدەی سەرکەوتن بوە بەسەر داگیرکەران و گەریلا و پەکەکە ناسنامەی نەتەوەیەکن و داگیرکەران نەیانتوانیوە دەستەمۆیبکەن . 

  • 1