ئەمە بڵاوبكەوە
FaceBook  Twitter  

بە داوای لێبوردنەوە صدام حسین وای وت : ئەوانە ( چەتە ، رێگر ، دز ، جەردە و بەکرێگیراو _ جیب العمیل ) ن . ئەرێ نازانن ئەنجامی زۆر و ستەم هەژانی عەڕشیان و خاپورکردنیانە ؟ پتر لە نیو سەدە ، ناو هەناوی هاوڵاتیانی سەر ئەو هەرێمۆکە کاوڵگەی سەر ئەو زەویە ، لێوڕێژی زووخاوی خیانەت ، نادادی ، برسێتی ، ئەتککردنی شکۆ ، درۆ ، پیرۆزکردنی بنەماڵە و حوکمڕانی شکست لەدوای شکست و قەیران لە دوای قەیران و .....ئەو زووخاوەی جۆشداوە دەبێتە تەقینەوەی بورکانی پیرۆزی قین و تووڕەییان . کاتێ ئازارەکان لە ناخدا شۆڕ دەبێتەوە و پەنگ دەخواتەوە ، تەنها بۆ هەناسەیەك و دەرەتانێك دەگەڕێ وەك هەورە تریشقە گڕبدەن ، وەك دەریای فێ لێهاتوو شەپۆڵبدەن ، وەك رەشەبا و گەردەلوول راماڵن ، وەك بورکان بتەقنەوە ، وەك کۆرۆنا فشارێکی دەروونیتان بۆ بهێنی ، گریمان پێتانکرا یا بتانەوێ بە هێز و دەسەڵات و چەکە پێشکەوتووەکانتان خەڵك لە ژوور بکەن ، بەڵام دڵنیابن هێزی لەبننەهاتووی خەون و نازەکانی مناڵە چاو گەشەکان ، کرێکار ، دەستگێڕ ، عەمبار و شوفێر ، پاسەوان و باخەوان و ........ پێتان ئەڵێن ئێوەی شێرە بەفرینە و ناپاك  ئێوە چین ؟ سەرتان شۆڕکرد بۆ سەدەقە و سەرسواڵکردنی خوانی حکومەتی عیراق . کوا یاسا ، دەستور و سەروەری ؟ هەرچی خاکفرۆش و خاین هەیە تەڕاتێندەکا ، هەرچی دز و جەردە و باندی کوشتن هەیە ئەوانەی دەستیان سوورە بە  خوێنی رۆڵەکانمان داڵدە دراون .       ئەو دابڕانە ، بێمتمانەیی شەقامە لە دەسەڵات ، ئەوەیە کە زۆرهات قەواڵە بەتاڵە ، ئەوە نرکە و نەعرەتەی برینداربوون وقینی هەستی تاکە ، تۆڵە سەندنەوەیە ، خۆ بچووککردنەوەتانە لە بەردەم پێڵاوی داگیرکار .ئەمجارەیان هاوارێکە دەبێ بە سروودێکی هەتا هەتایی لەسەر بەرماڵی پیرۆزی داپیرە مێژووی پرچ سپیم دەنگ ئەداتەوە .

  • 1