ئەمە بڵاوبكەوە
FaceBook  Twitter  

ئەی ئەو دروشمەی کەهیچ باهۆزێک نەیتوانی ڕیشەکێشت بکات وکەنارگیرت بکات بۆیە هەربەزیندووی مایتەوە،لەسەرەتای لەدایک بوونی حیزبمان حیزبی شیوعی عێراق و کوردستان بەووردبینی دووربینی وبابەتیانە ئەودرووشمەیان وەکو چارەسەرێک بۆچارەسەری سەرجەم کێشەکانی خەڵکی عێراق و کوردستان بەرزکردەوە، لەپێناو بنیاتنانی عێراقێکی دیموکرات و خۆش گوزەران وکوردستانێکی ئازاد، لەم مێژووە دوورو درێژەدا دیموکراتیەت بۆ عێراق وەکو خۆی مایەوە، بەڵام سەبارەت بەکوردستان لەپێناو سەرکەوتنی ئەو درووشمەدا حیزبمان بەلۆژیکێکی زانستی و بابەتیانە مامەڵەی لەگەڵ باروودۆخی کوردستان کرد لەوانە دیموکراتیەت بۆ عێراق و ئۆتۆنۆمی بۆکوردستان و دوای ئەوە گۆڕابۆ ئۆتۆنۆمی ڕاستەقینە تادەگاتە فیدراڵی بۆ هەرێمی کوردستان، لەبەرانبەریشدا زۆر دروشمی بریقەدارو بێ ناوەڕۆک و دوورلە واقیع کە بەپێی ئارەزووی لایەنەکانی تری عێراق و کوردستان بەرزکرانەوە، چونکە درووشمەکان بابەتی و زانستی نەبوون و شوێن پەنجەی نەیارانی دیموکراتی پێوەدیاربوو هەرزوو بوون بەبڵقی سەرئاو، جێگای داخ و ئاماژەپێکردنە گەر ئەو دروشمەی حیزبمان جێبەجێ بکرایەت لەلایەن حکومەتە یەک لەدوای یەکەکانی عێراق و لایەنە کوردستانیەکانیشەوە باروودۆخی ووڵات بەم ماڵ وێرانیەی ئێستانەدەگەیشت و ووڵات نوقمی ئەم هەموو شەری ناوخۆو هەرێمایەتی وئابڵۆقەی ئابووری جیهانی و ئەم هەموو قەرزوو قۆڵەنەدەبوو، بەداخەوە ئەوەی دەگوترا لەڕاگەیاندنەکان بەپێچەوانەکەی کاردەکرا، جێگای وەبیر هێنانەوەیەلەدوای ساڵی 1991 و 2003 ڕووخاندنی بەعس وڕژێمەکەی سەدامیشەوە ،لەعێراق و کوردستانیش بێ سەرووبەریک درووست بووە نەستراتیژ دیارەو نەتاکتیک، دڵمان بەدەستورێک خۆش بوو کەهەموومان دەست مان هەبوو لەنوسنیدا بەپێی پلەبەندی ، بەڵام هەمووان خۆیانی لێ دەشارنەوە هەریەکەو تادەگاتە سنوری بەرژەوەندیەکانی خۆی مامەڵەلەگەڵ ئەودرووشمەدا دەکات،بۆیە باروودۆخێکی کارەسات بار بەسەر عێراق و کوردستاندا هاتووە جێگای داخەوە لێرەولەوێ خەڵکانێکی زۆر ڕابردوو بەباشتر دەزانن لەئێستا، خەڵک بەئاشکرا بەدەسەڵات لەعێراق و کوردستانیش دەڵێت ئێوە ڕاست گۆنەبوون وەلەپێناو بەرژەوەندی خۆتان چارەنووسی تێکۆشانی سەدساڵەی گەلی عێراق و کوردستان بەرەونادیار دەبەن ، ئێوەنەک دیموکراتی نەبوون بەڵکو ڕووی دیکتاتۆرەکانی پێشووی عێراقیشتان سپی کرد...

  • 1