ئەمە بڵاوبكەوە
FaceBook  Twitter  
 
لەڕوانگەی چینایەتیەوە
بەپێی ئەو بوونە کۆمەڵایەتیەی چینی کرێکار هەیەتی لەواقعی کوردستاندا و ئەو ڕۆڵە گرنگەی لەپرۆسەی کاردا بەرجەستەی دەکات ٫لەباری چەندایەتیەوە خاوەنی توانایەکی گاریگەرو بەرفراوان و بەهێزە ٫
لەڕووی چلۆنایەتیەوە بێ ئەوان نەشەقامەکان خاوێن
و نە بەرهەم دەگاتە ناو گۆکا و بازاڕەکان نەکەلوپەل و پێداوویستیەکانی ژیان دەستەبەر دەبێت ٫
ئەمە وەک مەفومێکی گشتگیری جیهانی بەرجەستە کراوە و واقعیەتی هەیە و لەئاستێکی بەرزدا حسابی
بۆ دەکرێت ٫ بەڵام ئەگەر بچینە ووردەکاری ژیانی ئەم ووڵاتەوە لەڕووی مێژووییەوەجگە لەم واتاگشتیە٫لەم هێزە پڕ بەپیت وبەرەکەتەدا٫ چینی کرێکاری کوردستان هێزی سەرەکی دروست بوونی شۆڕش و قوربانیدان بوون هەر ئەوان بوون ئاگری شۆڕشگێڕانەی بەردەوامیان هەڵکرد لەسەرشاخ و ناوئەشکەوتەکان هەر کوڕوکچی هەژارەکان بوونە سووتەمەنی مەشخەڵی شۆڕشی نوێی ئەم جارە ٫
و بەردەوامیان دا بە خۆڕاگری وململانێ کردن لەگەڵ یارو نەیاردا لەدەرەوەو لەناوخۆدا ٫بەڵام ئێستا ئەم چینە پڕ بەرهەمە لەکوێی ئاڵو گۆڕ و پێشکەوتن و ژیانێکی سەردەمانەدایە کە بەهێزی (بیر و بازووی ) ئەوان بنیات نراوە٫
ئەم چینە ئێستا سوودمەند نین لە دامەزراندن لەکەرتی حکومی ٫ بەشی هەرە زۆریان لەکەرتی تایبەت کاریان چنگ ناکەوێت ٫ و بەسەدان و هەزاران لاوی خوێن گەرم و تازە پێگەیشتوو هەمیشە لەژێرهەڕەشەی برسێتی و نەبوونیدا لەبەردەم مەترسی بوون و نەبوودا ٫ هیچ بیمەیەکی بێکاریان نیە ٫چارەنووسیان دیار نیە بەرەو چ ژیانێکی کولەمەرگی هەنگاو دەنێت ٫لەو لاشەوە ڕۆژانە زیاتر لە (٥۰۰)هەزار بەرمیل نەوت دەفرۆشرێت ٫ بەهەزاران تەن گاز بەرهەم دەهێنرێت ٫ بەهەزاران دۆلار و دینار دەستکەوتی سەرسنوور ومەرزەکانە ٫ بەملیونەها دۆلار داهاتی هاوکاری نیودەوڵەتی وزلهێزەکانە ٫ بانقە نهێنیە ناڕەسمیەکان پڕاو پڕن لە دینار ولەدۆلار٫ بەڵام کار و بیمە نیە بۆ بێکاران٫ مێزو کورس و قوتابخانەی پێویست نیە بۆ خوێندنی قوتابیانی کرێکاران و هەژاران بەڵا م دەیان زانکۆ و پەیمانگای ئەهلی هەیە بۆ کوروکچانی دەوڵەمەندان ٫ نەخۆشخانە حکومیەکان بێ دەرمان و بێ موعیدو بێ ژووری چاودێری ووردن٫ بەڵام لەلایەکی ترەوە نەخۆشخانە و قوتابخانە تایبەتەکان پراو پڕن لە هەموو ئەو شتانەی باسمان کردن ٫ پرسیارێکی جەوهەریە دەبێت دەسەڵاتداران وەڵامی بدەنەوە ٫ بۆچی ڕەنجی کرێکار و فەرمانبەران بۆچی داهاتی گشتی ووڵات نابێتە جێگای پڕ کردنەوەی پێداوویستیەکانی ژیان ؟
ئەگەر ئێوە دێوی زلی گەندەڵکار نین لەسەر زەوی و سەرچاوەی دروست بوونی نەعەدالەتی ئەم گومەڵگایە نین چین حکومەتن ؟ ئەی کوا هەستی بەرپرسیارێتی لەئاستی ژیانی خەڵک ؟ کوا بیمەی بێکاری کوا دابین کردنی پێداوویستیە سەرەتایەکانی هێزی کاری ئەم ووڵاتە کەئەوان سەرچاوەی سەرەکی بنیاتانین ٫ ئەم نەهامەتیانە سروشتی نین زادەی کارو سیاسەتی ئێوەی حکومڕانی بۆرجوازی کوردستانن و دەبێت خەڵک و چینی کرێکار بەبەرنامە و سیاسەتی خەباتکارانەی سۆسیالیستی وەڵامی دەسەڵات بداتەوە و ئەم زەمین و زەمانە وەختی خەباتی بزوتنەوە چینایەتی و هاوبەشی کردنی بزوتنەوە کۆمەڵایەتیەکانی تری کۆمەڵگایە دژی جەور وستەمی سیاسی و ئابووری .
 
  • 1