ئەمە بڵاوبكەوە
FaceBook  Twitter  

ئەو بۆردوومانمان دەکات،خاکمان داگیر دەکات،دەمان کوژێت .. ئێمەش دەچینە ژێر ئاڵاکەی و دەوڵەمەندی دەکەین!!!

ڕژێمی تورکیا بێ پەردە، بە ئاشکرا، دژایەتی مەسەلەی کورد دەکات و دانی پێدا نانێت، بەردەوام بە ئاگرو ئاسن هێرش دەکاتە سەرکوردستان،بە ئاشکرا دەڵێن ڕقمان لە کوردە .تەنانەت دان بە وشەی کوردستان نانێن،زیندانەکانیان پڕ کردووە لە ئازادیخوازانی باکوور،لە باکوورو لە باشوورو لە ڕۆژئاوا کورد دەکوژێت..ناچار گەنجە شۆڕشگێرەکای باکوور ماوەی نزیکەی ٤٠ ساڵە ڕێگای خەباتی چەکداریان گرتۆتە بەر..ڕژێمی تورکیا ئامادە نییە بە ڕێگای ئاشتی مەسەلەی کورد چارەسەر بکات،دان بە سادەترین مافی کورداندا بنێت لە باکوور لە چوارچیوەی دەوڵەتی تورکیادا. تەنیا زمانی ئاگرو ئاسن و هەڕەشەو زیندان دەزانێت.. تەنیا ئەو مەفەیان پێ ڕەوا دەبینێت کە چەک دابنێن و خۆ بەدەستەوە بدەن و ببنە کۆیلەی دەسەڵات ودوایی چالاکوانەکانیان بخاتە زیندان..

ئەوەی جێگای داخە لە بەرانبەر ئەم ڕژێمەو سیاسەت و ڕەفتارەکانی بەرانبەر بە کورد ، کۆمەڵگەی نێو دەوڵەتی بێ هەڵوێستە، ڕۆژهەڵات و ڕۆژئاوا بەرژەوەندییەکانیان لەگەل تورکیا لا گرنگترە لە میللەتی کوردی چەوساوەو مافخوراو. بۆیە ڕژێمی ئەردۆغان، بەردەوامە لەسەر سیاسەت و ڕەفتارە فاشستەکانی بەرانبەر بە کوردو کوردستان.

ئێمەش وەکو میللەت و خەڵک، لە باشوور کە تەنانەت ڕێگامان پێنادرێت گردبوونەوەو خۆپیشاندانی ناڕەزایی دەربڕین بەرانبەر ڕژێمی تورکیا ئەنجام بدەین،با لە پێناوی غیرەتی نەتەوەییماندا لانی کەمی هەڵوێست بنوێنین؛ با هەرگیز بۆ گەشتیاری نەچین بۆ تورکیا،نەچین لەوێ خانوو و شوقە بکڕین و سوود بە ئابووری تورکیا بگەیەنین،بە هێڵی ئاسمانی تورکیا گەشت نەکەین..بۆ چارەسەری پزیشکی تا شوێنی بەدیل هەبێت نەخۆشەکانمان نەبەین بۆ تورکیا،تا پێمان دەکرێت بایکۆتی کاڵای تورکیا بکەین،بەردەوام ڕێککەوتنە پەنجا ساڵییە نا ڕۆشنەکەی نێوان دەسەڵاتدارە باڵاکانی هەرێم و تورکیا ڕیسوا بکەین و داوای هەڵوەشاندنەوەی بکەین،کە بێگومان ئەم ڕێککەوتننامەیە زیاتر لە بەرژەوەندی تورکیا دایە..

  • 1