ئەمە بڵاوبكەوە
FaceBook  Twitter  

بەشی سێزدەهەم و كۆتایی

هاوڕێ حەیدەر بەشداری كۆنگرەی حزبی شیوعی عێراق دەكات

هاوڕێ حەیدەر شێخ عەلی، ماوەیەكی زۆر توشی نەخۆشییەكی درێژخایەن و ئازار بەخشت بووە، نەخۆشییەكەی هاوڕێ حەیدەر لە توانا و بەگری مرۆڤ هەوراز ترە و ئەوانەی بەرگەی ئەو نەخۆشییە دەگرن و بەگەش بینییەوە ژیان دەبینن كەم و دەگمەنن، هاوڕێ حەیدەر یەكێكە لەم مرۆڤە دەگمەنانەی بەردەوام ژیان بەسەوزی دەبینن، هاوڕێ حەیدەر لەگەڵ ئەوەی نەخۆشییەكەی ئازار بەخش و ترسناكە و لەتوانای خۆڕاگیری مرۆڤی ئاسایی بەدەرە، بەڵام هاوڕێ حەیدەر كە رەمزی خۆڕاگیری و مقاوەمەتە لە بەرامبەری تەواوی رووداوەكان و هەرواش خۆراگرە لە بەرامبەر نەخۆشییەكەی رۆژانە بەدواداچوون بۆ رووداوە سیاسییەكان دەكات و را و بۆچوونەكانی بڵاودەكاتەوە... و ناوی حزب بەحزبی تێكۆشان دێنێ و هاوڕێیان بەتێكۆشەر دەناسێنێ... بەردەوام لەگەڵ حزبە و ئاگاداری راوبۆچوونەكانی حزبە هەرچەندە هاوڕێ حەیدەر نەخۆشە، بەڵام ئارەزوی تەواوی هەبوو بەشداری لە كۆنگرەی حزبی شیوعی عێراق بكات، دوو هۆی سەرەكی هەبوو كە پاڵپێوە نەری هاوڕێ حەیدەر بوون كە بەو نەخۆشیە مەترسیدارییەوە ئامادەبێت لە كۆنگرەكە، یەكەمیان بۆ ئەوەی بەشداری راستەوخۆی رەنخنەگران لە سیاسەتی رابردووی حزب بكات و بەشداری كاریگەرانەش لە دارشتنی بەرنامەی كاری داهاتووی حزب بكات، و هۆی دووەمیش بۆ ئەوەی بەهاوڕێیانی رۆژانی تێكۆشانی شاروشاخ بێت.. كاتێك هاوڕێ حەیدەر بەگۆپاڵەكەی دەستیەوە لەسەر سەكۆی كۆنگرە دەركەوتوو، بەشێوەیەكی رەخنەگرانەی زانستیەوە دەستی بەرز كردەوە و بەشدارییەكەی پێشكەش كرد، چەند جارێك ئەندامانی كۆنگرە بەچەپڵە رێزان پێشوازیان لە هاوڕێ حەیدەر كرد و لەكاتی پشووداندا هاوڕێیان بەگەرم و گوڕییەكی زۆرەوە هاوڕێ حەیدەر یان لە باوەش گرت... دوای تەواوبوونی كۆنگرەی حزب لە شاری بەغدا هاوڕێ حەیدەر گەڕایەوە شاری قەڵاومنارە و بەدیداری خۆشەویستی هاوڕێیان گەشایەوە و شادبوو.

حزب رێز لە تێكۆشانی هاوڕێ حەیدەر دەگرێت...!

رۆژێكی ساردی مانگی كانوونی دووەمی ساڵی 2022 لە بارەگای سەركردایەتی حزب لە شاری هەولێر چاوم بە هاوڕێ حەیدەر شێخ عەلی كەوت، و رەنگ و رووی زۆر گەشاوەبوو، هیچ نیشانەی نەخۆشییەكەی بەسەر رووخسارییەوە دیار نەبوو، بەبێ ئەوەی هەست بەئازاری نەخۆشییەكەی بكات، دەم بەخەندە لەگەڵمدا كەوتە ئاخاوتن و باسی هەندێ رووداوی سیاسی دەكرد... بەڵام زۆر كەیف خۆش و شادبوو، وەك بڵێیت لە نەخۆشییەكەی چاكبووێتەوە، كاتێك من لێم پرسی وادیارە هاوڕێ حەیدەر باری تەندورستیت باشە؟ لە وەڵامە ووتی، سكرتێری كۆمیتەی ناوەندی حزب ئاگاداری كردووم كە حزب( خەڵات)ی رێزلێنانم پێشكەش دەكات...ئەم هەواڵەی سكرتێری حزب هاوڕێ دكتۆر كاوە مەحمود تەواو شادی كردووم وا هەست دەكەم كە لەنەخۆشییەكەم چاك بوومەتەوە بەردەوام بوو ووتی، چۆن شاد نەبم كە دەبینم حزبەكەمان رۆڵەدڵسۆزەكانی بەسەردەكاتەوە و رێزیان لێدەگرێت، حزبی ئێمە، حزبی تێكۆشانە، حزبی دوا رۆژە، گەلێك دڵخۆشم كە حزبی تێكۆشان خەڵاتم دەكات، سەیربكە، حزبەكەمان حزبی تێكۆشان چەند مەزنە، رێزلێنانەكەی بەناوی ( لێژنەی كاری هاوبەشی چەپی كوردستانی) بەڕێوەدەبات بۆ ئەوەی كاری هاوبەشی چەپی كوردستانی رۆڵ و كاریگەری لە كوردستان بەرچاوو دیار بێت، هەندە كەیف خۆشم نازانم چی بكەم؟ هەر ئەوەندەم بۆ دەكرێت كە ووتەیەك لەسەر رۆڵی تێكۆشەرانی هاوڕێیان لەكاتی بەڕێوەچوونی رێ و رەسمەكە پێشكەش بكەم...

لەكاتی رێزلێنانیدا هاوڕێ حەیدەر دووجار گریا

هاوڕێ حەیدەر دووجار گریا... جارێك لەژێر كارگەری ووتەكەی سكرتێری حزبمان هاوڕێ دكتۆر كاوە مەحمود، جاری دووەمیش كاتی خوێندنەوەی ووتەكەی خۆی( بەڕێز هاوڕێی ئازیز و بەڕێزم هاوڕێ حەیدەر، داوای لێبوردنت لێدەكەم كە لەبەر تۆرانی تەندروستیم، لێرەدا واز لە نووسینەكە دێنم، بەهیوای دیدار.

تێبینی/ لە نووسینی ئەو بابەتە سوودم لە دیدارو كۆبوونەوەكانم لەگەڵ هاوڕێ حەیدەر و كتێبیعەبدالرحمن منیف (الان هنا) و دكتۆر فایق بگی، عیراقییون فی الوجدان، وەرگر تووە.

  • 1