ئەم هەواڵە بڵاوبكەوە
FaceBook  Twitter  

من ڕقم لەو هەواڵە دەبێتەوە كە زۆرینەی میدیا كوردییەكان ئاماژەی بۆ دەكەن ودەیكەنە مانشیتێكی گەورەو گرنگ بۆ ئەوەی خوێنەری پێ پەیدا بكەن ولە سەرەوەی ئەو هەواڵەش دەنووسن بە پەلە كە گوایە ئەو پەلەیە هەواڵێكی مژدە بەخشە بۆ دابەشكردنی ئەو روبعە موچەیەی فەرمانبەرانی هەرێمی كوردستان كە دوومانگ جاریك هەندێك پارە بە سەر فەرمانبەراندا بە ناو موچەوە دابەش دەكات كە لە موچە ناچێت و وەكو ئەوە وایە دەمكوت فەرمانبەرانی پێبكرێت ئەگینا فەرمانبەرێك دەوامەكەی بە تەواوەتی لە فەرمانگەكاندا دەباتە سەر جی جای روبعە موچەی پێ‌ ڕەوا دەبینرێت ،، ئەگەر ئەوەی وەزارەتی دارایی لە ئێستادا بەڕێووە دەبات دەڵێت من لایەنی جێبەجێكارم ودەسەڵات لای من نییە با ئیستقالە بدات و وازبهێنێت وخۆی بەرامبەر توانج وقسەی ناخۆشی شەقامی كوردی رانەگرێت .

من ئەوەم پێ‌ سەیر دەبێتەوە كە كەناڵەكانی ڕاگەیاندن ئەوەندە بایەخ بەو زانیاریە سەقەتەی وەزارەتی دارایی لە بارەی دابەشكردنی موچەوە دەدەن وگەورەی دەكەنەوە ودەیكەنە چالاكییەك بۆی ئەوەندەیان لە سەری شت بڵاو بكردایەتەوە ئەویش بە خۆی دا دەچووەوەو بیرێكی لە خۆی دەكردەوە و بۆ ئەوەی بە بیست رۆژ روبعە موچەی دابەشنەكردایە كە ئەو دیاردەیە یاری كردنە بە هەستی فەرمانبەران وگاڵتە پێكردنە پێیان ئەگەریش وا نییە با ڕوونكردنەوە بدات تاكو بزانین لەو سیستەمی دابەشكردنی موچەیە تومەتبارە یاخود نا وئەو وەكو جێبەجێكارێك ئەوە دەكات ولە سەروی ئەوە لایەنێك هەیە فەرمانی پێدەكات كە بەو جۆرە موچە دابەشبكات.

من لە وەزارەتی دارایی دەپرسم خۆی قەناعەتی بەو سیستەمە هەیە كەموچەی پێ‌ دابەشدەكات .. ئاخر دەبێت ئەوە بزانێت كە فەرمانبەر هەیە هیچ كارێكی دیكەی نییە تەنها ئەو موچەیە نەبێت ئەگەر ئەویش بەو جۆرە بدرێت كە ناوی من دەنێم سەرفیترەو زەكات دەبێت ئەو فەرمانبەرە خۆی ومنداڵەكانی لە جیاتی خواردنێكی چەور وبەلەزەت ناو پیاز بخون. كە كاتێكیش فەرمانبەر حاڵی گەیشتە ئەو حاڵە ئیتر ئینتیمای بۆ وڵاتەكەی نامێنێت وبڕوای بەو دەسەڵاتە نامێنێت كە لە سایەیدا ژیانی كۆڵە مەرگی دەگوزەرێنێت كە ئەوەش هەقیقەتێكە نابێت كەسمان خۆمانی لێ گیل بكەین .

سیستەمی پاشەكەوت كردنی موچە بەراستی شتێكی داهێنەرانەی خراپە كە لە هەرێمێك وەك هەرێمی كوردستان بەڕێووە دەبریت كە ئەوە یەكەمجارە سیستەمێكی ئەلەمجۆرە لە جیهاندا كاری پێدەكرێت ... گریمان ئەم سیستەمە لە ئێستادا شتێكی زەرورەتە بۆ ئەوەی هەرێمی كوردستان زاڵ بێت بە سەر ئەو بارودۆخە ئابوورییەی كە تووشی بووە ، بەڵام خۆ دەبێت كۆتاییەكی بۆ دابنرێت بۆ ئەوەی هەم حكومەتی هەرێمی كوردستان وهەمیش فەرمانبەرانی لەو سیستەمە جەنجاڵە ڕزگاریان ببێت ، ولاًت بە روبعە موچە بەڕێووە نابرێت ، بەوە بەڕێووە نابرێت كە كەس نەزانێت كەی كۆتایی بە قەیرانەكان دێت ودووبارە خۆشگوزەرانی دەگەڕێتەوە بۆ ناو هەرێمی كوردستان، خەڵكیش بەم سیستەمە كە وەزارەتی دارایی كاری پێدەكات ناچارە لە بەر  وەزعی ئەمنی ناوچەكە بێدەنگبێت لە بەرامبەری ، بێندنگبونیش ئەوە ناگەیەنێت كە رازین بەم وەزعە خراپەی ئێستا ،، بەڵام نایانەوێت وەزعێك دەروست بێت ڕەنج وقوربانیدانی شەهێدان وهێزی پێشمەرگەی كوردستان بە فێڕو بڕوات ،، ئەگینا سبەی گەر هەڵبژاردن بكرێت ئەوا ئەو كاتە دەبینیرێت خەڵك بەجی سورعەتێك دەچێت بۆ لای سەندوقی دەنگدان ، لە جیاتی سورعەتی كەروێشك سورعەتی كیسەڵ بە كار دەهێنن.وبە خاوی دەچنە پیری هەڵبژاردنەوە .