ئەمە بڵاوبكەوە
FaceBook  Twitter  

 

چرا هەمیشە گەشەکەی مەهاباد و ئاوەدانی ماڵی زمان و ئەدەبی کوردی!

 بەیانی باش، دڵنیام لای هەڵگرانی ئاڵای جوانی و دادپەروەری ئاشتی و بە یەکەوە ژیانی جیاوازیەکان، مەرگی (هێمن)ی مەزن مەرگێکی فیزیکی جەستەییە، چونکە هێمن ناتوانێت بمرێ و مردنیش بەهەموو کەس ناوێرێ، 

جا بۆ لاڵ نەبێت ئەو زمانە و لە گۆ نەکەوێ، ئەوانەی پێیان وایە هێمن بەڕاستی مردووە؟

 ئایادەکرێت ئاوابوونی خۆر لە دەم کەلی ئێوارەدا، سەرهەڵگرتنی ڕووبار ڕوەو دەریا لەسەرچاوەدا، بزربوونی لوتکەی قەندیل لەناو تەم وباراندا، درەخت لە وەرینی خەزاندا، هەور لە داکردنی باراندا ، ناوبنێین مردن ؟

 ئەی ئەوە نیه لایەکی کوردستانی مەزن لە خۆشەویستی مام هێمن، منداڵ و گەنجیان ناوی (هێمن)ە، ئەی ئەوەنیە هەموومان کە سیاسەت ڕاومان دەنێ، بە ڕاکە ڕاک خۆمان لە گەورە ماڵی ناڵەی جودایی و لە کوێوە بۆکوێ دەنێین ؟

ئەی ئەوەنیە کە وا کەڕەنای شەڕی ناوخۆو بەبچووکی نیشاندانی کورد و زمانەکەی وسیاسەتی نان بۆ قەساب و گۆشت بۆنانەوە! لە کوربوون و لە خوێندنەوە دەمانتۆرێنێت، هێمن لەگەڵ خۆمان ئاشتمان دەکاتەوە ؟

 ئەی ئەوەنیە هەموومان بەردەوام لەخۆشەویستی هێمن بیری ئازادی و گوڵ و بەهارو باران و شیری دەست مەنجەڵی شەنگەبێری و شمشاڵی شەوینی شوان دەکەین؟

ئەی ئەوەنیە لە گەرمەی سات وسەوداکردن بەنیشتمان و هەراج کردنی ئەخلاقی مرۆڤ دۆستی، شیعرەکانی هێمن فریامان دەکەوێت و دەمانهێنێتەوە سەر ڕاستەڕێی ئومێدو هەڵسانەوە؟

 مامۆستا سەڵاحەدین ی ئاشتی

تەنها ئەوانە بۆ گەڕانەوە بۆ لای جوانی و ژیان و باوەشی نیشتمان سەر بەماڵی هێمن دا ناکەن، کەوا سیاسەت وڕو کاس و پارە و ویژدانی سڕکردوون، تەنها ئەوانە کاریان بەهێمن نەماوە، کە کاریان بە نیشتمان و مرۆڤ دۆستی نەماوە...

ڕاستە هێمن مرد بەڵام مردنێک باڵاتر لە ژیان.

 زیرەک کەمال 

ڕۆژی شەممە: ۱۸ / ٤/ ۲۰۲۰

چرا هەمیشە گەشەکەی مهاباد و ئاوەدانی

ماڵی زمان و ئەدەبی کوردی.

 -------------------------------------------

تێبینی: ئەم یادداشتەم بەپیرەوەچوون و وڵامدانەوەیەکە بۆ بیرەوەریی سەلاحەددین ئاشتی سەبارەت بە کۆچی‌ دوایی مامۆستا هێمن کە نووسیویەتی و ناوی ناوە:"هێمن و هەستی پێی مردن".

  • 1