له ناحیهی ڕزگاری شاندێكی پهرلهمانی ئیسپانی و چهند شارهزایهك كهسوكاری ئهنفالكراوهكان بهسهر دهكهنهوه
شرین ئهمین
شاندێكی پهرلهمانی ئیسپانی و چهندشارهزایهكی بواری ڕۆژنامهوانی بهڕێنوێنی عادل حاجی محهمهد ئهندامی پهرلهمانی كوردستان له 14/ 3/ 2009 سهردانی ناحیهی ڕزگارییان كردو له نزیكهوه كۆمهڵێك له كهسوكارو پاشماوهی قوربانیانی ئهنفالیان بهسهر كردهوه، عادل حاجی محهمهد لهمبارهیهوه بهڕێگای كوردستانی ڕاگهیاند :
ئامانجی ئهم سهردانهمان لهگهڵ ئهو وهفده بهسهر كردنهوهی كهسوكاری ئهنفال كراوهكان و له نزیكهوه ئاگاداربوونه له بارودۆخ و ڕهوشی ژیان و گوزهرانیان و ههروهها زیاتر ئاگاداربوونیان لهكارهساتی ئهنفاله، ئهو ئهندام پهرلهمانه ئاماژهی بهوهش كرد كه هاتنی ئهو شانده كاركردنی مهیدانییه لهسهر تاوانی ئهنفال و ئهو ڕووداوانهی كه لهكاتی كارهساتهكهدا ڕوویان داوه كه له ڕابردووشدا لهسهر كێشهی كوردیان نووسیوه.
دواتریش هاوڕێ پێشڕهو بهرپرسی كۆمهڵهی داكۆكیكار له كهسوكاری ئهنفالكراوهكانی گهرمیان ووتی :
هاتنی ئهم شانده لهسهر بانگهێشتی وهزارهتی ناوخۆی حكومهتی ههرێم و ناوهندی چاك هاتوونه ته ناوچهكه تا له نزیكهوه لهگهڵ كهسوكاری ئهنفال كراوهكان گفتوگۆ بكهن و كێشهو گرفتهكانیان بزانن، ئێمهش وهك كۆمهڵهكهمان بهههموو شێوهیهك هاوكاریان بووین له كۆكردنهوهی خهڵكی پاشماوهی ئهنفال و ئهو زانیارییانهی كه پێویستن، لهگهڵ ئهوهشدا جهختمان لهسهر ئهوه كردهوه كه پێویسته ئهو شانده هاوكاری گهلهكهمان بێت و بتوانن لای خۆیانهوه كار لهسهر بهجینۆساید ناساندنی بكهن لهدهرهوهی وڵات.
جێی ئاماژهیه سروه محهمهد بهڕێوهبهری ناحیهی ڕزگاری ئامادهی ئهو دیدارو چاوپێكهوتنانهی شاندی ئیسپانی بوون بۆ ناحیهكه.