بڕیاره‌ سبه‌ی پێنجشه‌ممه‌ 11ی ئادار 2010 كورده‌كانی سوریا به‌بۆنه‌ی شه‌شه‌مین ساڵیادی راپه‌رین (12)ی ئاداری 2004 له‌ به‌رده‌م باره‌گای نه‌ته‌وه‌یه‌كگرتووه‌كان خۆپێشاندان ساز بكه‌ن.

ئه‌ندامێكی لێژنه‌ی سه‌رپه‌رشتیار به‌ ماڵپه‌ڕی رێگای كوردستانی راگه‌یاند: به‌بۆنه‌ی (6)مین ساڵیادی راپه‌رینی (12)ی ئاداری 2004 بڕیاره‌ سبه‌ی پێنجشه‌ممه‌ له‌به‌رده‌م باره‌گای (un) له‌ شاری هه‌ولێر خۆپێشاندانێك له‌ سه‌یته‌ره‌ی عه‌نكاوه‌، ده‌ست پێ بكه‌ین‌و ئامانج له‌م خۆپێشاندانه‌ ده‌ست هه‌ڵگرتنه‌ له‌و زوڵم‌و سته‌مه‌ی به‌رامبه‌ر به‌ نه‌ته‌وه‌ی كورد ده‌كرێت له‌ سوریا، ئه‌و ئه‌ندامه‌ ئاشكرای كرد له‌م خۆپێشاندانه‌ یاداشتێك كه‌ چه‌ند داواكاریه‌كی له‌خۆ گرتوه‌ ده‌درێت به‌ نوێنه‌ری (un) له‌ هه‌ولێر.